عُلم ونُفذ - تاج




السلام عليكم ورحمه الله وبركاته


تـاج طلبته منى حبيبتي أريج


** حنين **


حاضر يا ريجو..

معلش اتأخرت..


إسمك ؟


أمنية


المشهور به وسط أصحابك ؟


كل صديقة لها اسم بتقولهولي

مفيش اسم معين للكل



سنك؟


19


مجال دراستك ؟


التـــــــاريخ


إسم مدونتك ؟


نويت أكوم مستقبلى


صورتك الرمزية فى المدونة بتعبر عن إيه .؟


البنوتة الصغيرة اللى لابسه حجاب

بحس بالبراءة والنقاء .. والفطرة اللى ربنا فطرنا عليها

اتمنى اني اكون بنفس الصفات دي

يـارب


هل فكرت فى إغلاق المدونة .؟ والسبب؟


مرة واحدة زمـان

حسيت انى مش قادرة افيد


إيه رد فعلك لو حد قل أدبه فى تعليق ؟


همسح الرد


اسوأ مدونه .؟


أى مدونة لا تلتزم بالآداب

او هدفها ضد الإسلام


هيحصل إيه للإيميل بعد ما تموت ؟


آخر حاجة ممكن افكر فيها

يارب حسن الختام


إديت الباسوورد لحد قبل كده .؟


لأريج


السفر بالنسبة لك إيه .؟


متعة مادام مع صحبة بحبها



المود بتاعك إيه..؟


عادة بفضل الله مودي مرح

لكن أحيانا اميل للحزن لفترة لا تطول غالبا

تغيير يعنى

:D


بتعمل إيه فى وقت فراغك .؟


غالبا بعمل ايه بتختلف عن بحب اعمل ايه

المتاح لي فى وقت الفراغ..دخول الإنترنت

او القراءة


لكن بحب اكون وقت فراغي مع اصحابي

حتى لو دقائق

اكتر شىء بيسعدنى


الأكلة المفضلة .؟


الشوربة

الملوخية

طاجن الجمبري


الصفات اللى أخدتها من والدك ؟


طريقة التفكير

المرح

البُعد عن الهيافة

( على لسان والدي)

:D

الهـدوء أحيانا


الصفات اللى أخدتها من والدتك ؟


الطيـبة

الإيثار


أكتر 6 حاجات بتكرههم ؟

الكذب

النفاق

المبالغة

الخداع

السخرية

البخـل


أكتر 6حاجات بتحبهم ؟


العجمي

الإبتسامة الصادقة

الورد

التصوير

عصير الجوافة

التـاريخ المعاصر


شخصيتك نوعها ايه .؟


اتمنى اعرف من المقربين .


لماذا دخلت عالم التدوين من الأساس .؟


كان عالم جديد حبيت استكشافه


أحلى جملة قيلت في وصف مدونتك؟


مش متذكرة بالظبط .. لكن انها افادت فى شىء..


أهمية التعليقات بالنسبة لك ؟


تسعدنى جدا

وبستفيد من النقد


أحلى بوست كتبته؟ ضع اللينك ثم اذكر لماذا ؟



لأن الموضوع كان بدأ ينتشر جدا

وفعلا هو مجال للسخرية من المسلمين

وخطر جدا على المسلمين اللي ميعرفوش دينهم


افضل مدونة قرأتها







افضل بوست حبيته ؟


بوستات كتير الحقيقة

لكن اكترهم


فى مدونة قلم حالم


الشغل بالنسبة لك ايه ؟


مش لازم كل بنت بعد ما تخلص تشتغل

يعنى مادام مفيش حاجة .. مش شرط الحاجة المادية

يعنى اذا وجدت البنت ان وقتها بيضيع فى البيت

وحتى مع نشاطات مفيدة ..مازال فى فراغ

تشتغل ..متسبش لنفسها فرصة تنشغل بمعصية

وعامة بفضل ان المرأة بعد الزواج تتفرغ تمـاما لزوجها

لان مهما حاولت ..الشغل هيأثر على البيت

وممكن يبقى أولوية



الإنترنت بالنسبة لك ايه .؟


لسه كنت بفكر لو مفيش نت كان حصل ايه

استفدت منه جدا

دينيا ودنيويا

وعرفت ناس ممكن يكونوا سبب فى دخولي الجنة

وموضوعات عمرى ما سمعت عنها عرفتها من هنا

بجد..الإنترنت نعمة

لكن ممكن يكون نقمة

واحنا اللى بنحدد

فيارب يجعل كل اوقاتنا عليه طاعة له


تمرر التاج لمين

لكل من تسول له نفسه ويرد


:D

الإيغور ... أفندم ؟؟ 1

السلام عليكم ورحمه الله وبركاته


الإيغور

سمعتها كتير الأيام ديه .. لكن الحقيقة مش عارفة ايه الموضوع بالظبط

شعب الإيغور أو الإيجور أو اليوغور

بيعيشوا فى جمهورية تركستان الشرقية

تحت الحكم الصيني
ومساحة تركستان الشرقية بتمثل خمس مساحة الصين ..

ومنها أخرجت لنا علماء أثروا الحضارة الإسلامية زي السمرقندي والزمخشري

بعد ما دخل فيها الإسلام على يد قتيبة بن مسلم الباهي 96 هـ

وساعدوا فى الفتوحات الإسلامية التي وصلت رومانيا وغيرها من دول أوروبا

ودلوقتي


عدد المسلمين فيه ما بين 12 - 16 مليون نسمة



أى حوالى 90 - 95 % من سكان بعض المدن التركستانية



والله .. ما شاء الله ده احنا أغلبية
أومال ايه المشكلة .؟؟


آه إحنا أغلبية .. لكن الإقليم مقهور



ليــه ؟






شوف الخريطة



الإقليم قدره انه يكون بين روسيا والصين .. فضل فى صراع لمدة قرنين
فترة يكون تحت حكم الروس .. وفترة تحت حكم الصين
لحد ما نجحت الصين فى ضم إقليم تركستان الشرقية

وعملنا ايه .؟



طبعا حاول سكان الإقليم التصدى للصينيين بالإنتفاضات على مدار السنين



فكان رد الصين هو تهجير ملايين من سكانها لتركستان الشرقية



سكانها ولا السكان المسلمين ؟؟



تهجّر سكانها .. إلى تركستان الشرقية



غريبة أوي دي ..إشمعنى ؟؟




مش المسلمين كانوا الأغلبية وبيمثلوا 90 %



عن طريق انها تهجّر ملايين من سكانها للإقليم هتقل نسبة السيادة المسلمة



ونجحت للأسف ووصلت نسبة المسلمين لـ70 %



واكتملت بتغيير إسمها لسيكنكانج بمعنى المقاطعة الجديدة ..



فى محاولة جادة لمحو أي هوية إسلامية



ويدار تحت حكم ذاتي ( لكن ده إسما فقط )





وبعدين .؟



تابعوا هنـا

لا تبـك .. تصميم

السلام عليكم ورحمه الله وبركاته
.
محاولة لكسر الروتين
.
احاول تعلم الفوتوشوب
.
وهذه إحدى المحاولات
.

الذكرى الـ14




السلام عليكم ورحمه الله وبركاته


دعوة لإحياء ذكرى مذبحة سربرينيتشا الـ14


11 / 7 / 2009


لا تتركوها تمر فى صمت



أقل ما نفعله هو نشر القضية

والدعاء


أنشر فى مدونتك

بأسلوبك .. أو قم بإقتباس الحدث

او حتى مجرد صورة وتعليق

ألفت النظر للقضية


وأنشر الإيفينت على الفايس بوك


وأكتب فى البروفايل
إحياء ذكرى مذبحة سربرينيتشا التي راح ضحيتها اكثر من 8000 مسلم




وانشر فى المنتديات




واقترح طرقا اخرى لإحياء الذكرى




وجزاكم الله خيـرا