نقل الزحمة




من الواضح للماشي والراكب والطاير مشكلة الزحام المروري في مصر وخاصة القاهرة
بإستثناء طبعا بعض الايام اللي ممكن تاخد المشوار اللي بتاخده في ساعة عادة .. تاخده في تلت ساعة
مثال قريب : خلال ساعات المباريات

والحكومات المباركية على مر السنين بتحاول توجد اساليب متميزة في حل الازمة المرورية

وبعد تفكيـر طال لسنوات

نجحت مصر في ايجاد سياسة جديدة لحل تلك المشكلة
وهي
سياسة نقل الزحمة

مثال : شارع حسنين مشهور بزحامه الشديد
خلاص
نعمل كوبري يخفف الضغط من شارع حسنين ..ويرفع الضغط والسكر لشارع فوزي

وبعد سنين يحسوا بأزمة شارع فوزي
فينقلوه الزحمة لشارع تامر

وهكذا

وانا من موقعي المتواضع
اطالب بمنح الحكومة المصرية جائزة نوبل نظرا لأفكارها المتميزة لحل المشكلات

ألا هو صحيح أوباما خد نوبل ليه؟؟


3 comments:

بالبلدي
بيلبسوا طاقية دة ل دة

February 7, 2010 at 1:59 AM  
امنية said...

وصف دقيق فعلا
للأسف..

جزاكم الله خيـرا

February 9, 2010 at 12:11 PM  

هههههههههه منتهى الروعة والبساطة فى الطرح
دمك خفيف وطيبة القلب
شعرت ذلك اختى فى الله
من مدونتك وبيدجك عالفيس
دومتِ بـ ود ..

اختك / نوارة

March 24, 2013 at 11:40 AM