من الواضح للماشي والراكب والطاير مشكلة الزحام المروري في مصر وخاصة القاهرة
بإستثناء طبعا بعض الايام اللي ممكن تاخد المشوار اللي بتاخده في ساعة عادة .. تاخده في تلت ساعة
مثال قريب : خلال ساعات المباريات
والحكومات المباركية على مر السنين بتحاول توجد اساليب متميزة في حل الازمة المرورية
وبعد تفكيـر طال لسنوات
نجحت مصر في ايجاد سياسة جديدة لحل تلك المشكلة
وهي
سياسة نقل الزحمة
مثال : شارع حسنين مشهور بزحامه الشديد
خلاص
نعمل كوبري يخفف الضغط من شارع حسنين ..ويرفع الضغط والسكر لشارع فوزي
وبعد سنين يحسوا بأزمة شارع فوزي
فينقلوه الزحمة لشارع تامر
وهكذا
وانا من موقعي المتواضع
اطالب بمنح الحكومة المصرية جائزة نوبل نظرا لأفكارها المتميزة لحل المشكلات
ألا هو صحيح أوباما خد نوبل ليه؟؟
3 comments:
بالبلدي
February 7, 2010 at 1:59 AMبيلبسوا طاقية دة ل دة
وصف دقيق فعلا
February 9, 2010 at 12:11 PMللأسف..
جزاكم الله خيـرا
هههههههههه منتهى الروعة والبساطة فى الطرح
March 24, 2013 at 11:40 AMدمك خفيف وطيبة القلب
شعرت ذلك اختى فى الله
من مدونتك وبيدجك عالفيس
دومتِ بـ ود ..
اختك / نوارة
Post a Comment