السلام عليكم ورحمه الله وبركاته
رسائل بجد مستفزه جدا جدا فى الماسنجر
اكتر واحده نرفزتنى وضحكتنى اوى بصراحه وضايقتنى على حالنا
اللى باعتاهالى نيتها خير وحاسه برضو انها مرغمه على ارسالها والا هتتشل!!
لسه حالا واصلالى
"إلا الله محمد رسول الله لو مبعتهاش تتشل وإنت قاعد "
استغفر الله العظيم
بجد ده عذرا فى اللفظ وسيله مستفزة ومتخلفه فى النصح والتوجيه للثواب
يعنى ايه تتشل لو ما بعت لا اله الا الله !!
نيه اللى عاملاها خير ان الناس تاخد ثواب لكن مش كده
الدين مقالش ندعى على حد لو ما قالش الدعاء ده!
ولا الرسائل اللى تقولك لو بعتها ل25 هيحصل حاجه تفرحك...احنا غلبنا المنجمين .. - مع احترامى للمؤمنين بالطريقه دى -
يا جماعه مش اسلوب ده
انا عامله ايميلى مقبره للرسائل دى والايميلات اللى من نفس النوع ده
انا مبقتش ادخل صفحه الميل دى ابدا الا علشان امسح لما يوصلوا 150 ايميل
وكلهم على وتيره ابعتيها ل25 لإما ربنا هيخرب بيتك!
عمرى ما ببعت الرسايل دى
ويوم ما ابعت حاجه بيكون لأنى عايزة ثواب مش لأنى مجبره على ده والا هتشل ولا هتعمى!!
مينفعش كده
دعوة إما لجعل الايميل مقبره لتلك الرسائل المستفزة
او
حذف الوعيد والتهديد منها قبل ارسالها بنيه الثواب
رسائل بجد مستفزه جدا جدا فى الماسنجر
اكتر واحده نرفزتنى وضحكتنى اوى بصراحه وضايقتنى على حالنا
اللى باعتاهالى نيتها خير وحاسه برضو انها مرغمه على ارسالها والا هتتشل!!
لسه حالا واصلالى
"إلا الله محمد رسول الله لو مبعتهاش تتشل وإنت قاعد "
استغفر الله العظيم
بجد ده عذرا فى اللفظ وسيله مستفزة ومتخلفه فى النصح والتوجيه للثواب
يعنى ايه تتشل لو ما بعت لا اله الا الله !!
نيه اللى عاملاها خير ان الناس تاخد ثواب لكن مش كده
الدين مقالش ندعى على حد لو ما قالش الدعاء ده!
ولا الرسائل اللى تقولك لو بعتها ل25 هيحصل حاجه تفرحك...احنا غلبنا المنجمين .. - مع احترامى للمؤمنين بالطريقه دى -
يا جماعه مش اسلوب ده
انا عامله ايميلى مقبره للرسائل دى والايميلات اللى من نفس النوع ده
انا مبقتش ادخل صفحه الميل دى ابدا الا علشان امسح لما يوصلوا 150 ايميل
وكلهم على وتيره ابعتيها ل25 لإما ربنا هيخرب بيتك!
عمرى ما ببعت الرسايل دى
ويوم ما ابعت حاجه بيكون لأنى عايزة ثواب مش لأنى مجبره على ده والا هتشل ولا هتعمى!!
مينفعش كده
دعوة إما لجعل الايميل مقبره لتلك الرسائل المستفزة
او
حذف الوعيد والتهديد منها قبل ارسالها بنيه الثواب
34 comments:
وعليكم السلام ورحمة الله وبركاته
August 7, 2007 at 10:10 PMاحيانا بيبقى جهل من الاشخاص وخوف منهم وعدم ايمان
((قل لن يصيبنا الا ماكتب الله لنا ))
بيكون جهل وعدم ايمان بالاقدارلا اكثر ولا اقل
أضم صوتي لدعوة جعل الإيميل مقبرة هذه
August 8, 2007 at 1:34 AMالرسائل
حقيقة هي تضر أكثر مما تفيد
وأيضا كثرة تكرارها يفقد الكلام قيمته ويجعل الناس لا تتأثر ولا تقرأ بوعي فلها أضرار كثيرة ربما أكتبها لاحقا
رضوى :
August 8, 2007 at 10:08 AMصحيح كلامك
بفكر اما حد يبعتلى رساله تهديد ووعيد لو ما بعت الحديث ده مثلا
ابعتلهم الايه اللى ذكرتيها
فكره!
________
الاخ عصفور المدينة :
بالظبط
انا مبقتش اقرأ اصلا صفحه الايميل
وحتى لو فتحت ايميل اول ما اقرأ بدايته مش بكمله
فعلا بقى فى فتور خلاص
ربنا يهدينا ويهديهم
على فكرة مجونتك جميلة اوى
August 8, 2007 at 12:43 PMو بجد فعلا الكتابة عن موضوع الاينيلات عندك حق فيه لانه بجد بقى شئ مستفز حكاية انه مثلا اقرا ايميل و يكون دينى و كل حاجة بس الاقى مكتوب لو مقريتش تبقى كذا و كذا وو تبقى اهانة !! طب و لنفترض انه حصل ظروف و مش قادر يقراه دلوقتى او انه طويل فهيقراه بعدين مش هيتجاهله للأبد
و هكذا ده غير الاميلات اللى بتتوعدنا بعذاب من ربنا لو معملنهاش فوروارد للناس !!!!! حاجة تشل فعلا
بجد بحيييكى على مدونتك
و اتمنى نكون اصدقاء من دلوقتى
تحياتى
السلام عليكم ورحمة الله وبركاته
August 8, 2007 at 10:07 PMبحس وانا بحذف هذا النوع من الرسائل بالتحدي
:)
بس فكرة حذف الجزء المستفز وأعادة أرسالها هي الفكرة الأمثل
جزيتم خيراً
بجد تسلم ايديكي على البوست ده بس جديدة تتشل ديه..لان اكتر اللي ينرفزني انك تبعاتها لكام واحد و هيحصلك حاجة كويسة و يا ريتها على كدا و بس لو بعتها لي عشرة هيجيلك خبر مفرح بعد خمس ايام و لو لعشرين بعد تلت ايام و لو بعتها لي تلاتين هيجيلك بعد يوم...ايه الغباء ده بصراحة حاجة تنرفز فعلا و الحل الامثل طبعا تجاهلها لكن ساعات بتبئى في حاجات جميلة فعلا للذكر و احاديث و الحاجات بنتكون الواحد اول مرة يقراها..شكرا انك وضحتي الموضوع ده قبل ما نتشل فعلا..تحياتي ليكي..سلام
August 10, 2007 at 12:30 AMانا ولا ببعتها ولا حتي بفكر اقراها من الاساس
August 10, 2007 at 4:42 PMلان معظمها اصلا بتبقي حاجات غلط
ومش عايز الثواباللي ييجي بالعافيه
وبعدين انا بحب الثواب لما اكون انا عايز اعملهمش حد يقوللي لو مبعتهاش هيجيلك شلل
طب انا بقي بحب الشلل
بس هه
حلو يا مونى البلوج
August 10, 2007 at 6:45 PMأنا داخلة ابارك بس
:D
ولى عودة ان شاء الله
نور الأمة
:)
إيمان الشاطر:
August 11, 2007 at 2:20 AMنورتى المدونه وأسعد ان نكون اصدقاء
:)
بالنسبه للايميلات عرفت ان اللى بيعمل الايميلات دول بيبقى عايز يجمع اكبر قدر من الايميلات علشان هاكر او يبعت فايرس حاجه كده
فلما يتعمل للايميل فورورد لكذا شخص بيرجع له الايميل تانى مليااااان ايميلات ناس اللى اتعملهم فورود
ربنا يستر
نورتى المدونه مره تانيه:)
________
الاخ بينو:
وعليكم السلام ورحمه الله وبركاته
انا برجح حذف الوعيد والتهديد من الرسايل واعاده ارسالها بنيه الثواب
جزاك الله خير
________
الأخ شريف:
اسلوب بدائى خرافى جدا
يعنى ايه ابعتها لتلاتين هتحصل حاجه حلوة فى حياتى !!
احنا مسلمين
منين رسائل اسلاميه واسلوب النشر اسلوب دجالين!!
جزاك الله خير
________
الأخ العربى:
انا فعلا خلاص بطلت اقرأ
وبطلت افتح صفحه الميل
اللى فاضل لسه هو رسائل الاوف لاين على الماسنجر
ربنا يهدى
جزاك الله خير
_________
نهى:
الله يبارك فيكِ
نورتى المدونه يا حبيبتى
بما انك بتكرهي الاسلوب ده
August 11, 2007 at 2:36 AMيارب يطلع لك ابو رجل مسلوخة لو مدخلتيش المدونة بتاعتي
على فكرة لو دخلتي هتسمعى خبر حلو وهيوصلك مبلغ مالى كبير
ده طبعا كلام فارغ وانا بس بهزر
وشرفت بزيارة مدونتك
ههههههههه
August 11, 2007 at 2:46 AMان شاء الله ازور مدونه حضرتك
من غير تهديد
اضحك الله سنك
ايه رائيك يا امنيه
August 11, 2007 at 3:20 AMنكتب نص موحد
وكلنا نبعته
للناس اللى عندنا فى الايمل اكيد برضوا
ممكن يأثر على الناس ويبطلو
الحاجات دة
انا عن نفسى بكبر دماغى لم بشوف الرسايل دة
على العموم انا منتظر ردك
والله المستعان
جزاك الله خير
فكره رائعه
August 11, 2007 at 3:26 AMعند حضرتك رؤيه لنص الرساله
لازم تبقى مركزه فى اقل كلمات علشان الناس تقرأ
مممممم
نفكر فى النص وخير ان شاء الله
جزاك الله خير
عسوله يا مونى اوى
August 11, 2007 at 3:57 PMحلوه بجد تتشل دى
بصى يا قمرى
انا اصلا بضغط ديليت على طول
من غير حتى مااقراها
يا جماعه الثواب مش كده
انت مش بتذكر ربنا بلسانك
انت بتذكره بقلبك
ايه فايده شفايفك تتحرك وقلبك حجر ومش بيتحرك
حقيقى ببمسحهم من غيرر ما اقراهم فعلا
وانا مع فكره اسلام
ولو انى بطلت ادخل ماسنجر من خنقتى منهم
اسماااء:
August 11, 2007 at 6:22 PMمش بتظهرى ماسنجر الا نادرا فى نادر الندره
وانا ذنبى ايه:(
ما تقريش الرسايل وادخلى اكلمك طيب
اهىء
نورتى يا سمسم عقبال ما اشوفك منورة الماسنجر
بحبك فى الله
على فكره انا متابع دائما لمدونتك
August 12, 2007 at 12:52 AMومن المعجبين بيها ومستغرب ان مواهبك دى ماكنتش واخده حقها فى الحاره
مدونتك اثبتت وجدها بهدوء واثبتى انك احسن من كتير ياما اتكلموا
جعجعه دون طحن على راى شكسبير
معلهش كل مره كنت بقاوم انى ارد
لكن لغاية امتى؟
مدونتك تستحق كل اشادة وتقدير
طبعا البوست هايل
ورسايل زى دى اول ما بشوفها بحذفها على طول
تقبلى تحياتى
أخى الباحث عن الحقيقه:
August 12, 2007 at 12:26 PMجزاك الله خير على كلماتك المشجعه
وعلى مرورك الطيب
فعلا عندك حق بجد بتبقي حاجات مستفزة جدا و اللي كاتبها بيبقي جاهل بدينه وواخده من السطح بس
August 12, 2007 at 9:52 PMو مع الاسف لو صادفت مع حد بعتها و حصل له مكروه ممكن مع قلة علمه يمتنع عن هذه الانواع من الادعية او الاذكار
بجد في ناس بتربط حاجات بحاجات ملهاش علاقة ببعضها
مع الاسف بيحصل ده و بشوفه
جزاكي الله خيرا كثيرا و انا معاكي في دعوتك
محتاجيين توعيه
August 13, 2007 at 11:23 AMايه رأيكم فى حمله لجعل الايميل مقبره لتلك الرسايل ؟؟
بجد ياريت نتعاون ونعملها
لان اضرار الايميلات اكتر من ايجابيتها
السلام عليكم
August 16, 2007 at 2:50 AMلسه الرسالة دي مستقبلاها ع الماسنجر
:)
حاجة تغيظ والله
والله العظيم بعد ما أقرأ الرسالة هابعتها لكل اللي أعرفهم ( خذ بالك إنك حلفت )لا إله إلا الله محمد رسول الله لا إله إلا أنت سبحانك إني كنت من الظالمين ستحصل على 3000حسنة فلا تبخل على نفسك تعبان أو زعلان او متضايق قل "لا إله الا الله سيدنا محمد رسول الله" أمانه في عنقك الى يوم الدين ترسلها لكل الايميلات الى لعندك حتى لو كنت انا منهم
هو التهديد مش بيجيب نتيجة ولا ايه
August 16, 2007 at 3:31 AMوعدتيني بالزيارة واخلفتي
متخلنيش ابعت لك رسالة من اللى بتكرهيهم
سلام
ههههههه
August 17, 2007 at 2:17 PMوالله انك صادقه بخصوص ارسل لـ 25 شخص
مش حاله حقيقي ولا اسلوب دعوي
ناجح ..
بارك الله فيك
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso.(If you speak English can see the version in English of the Camiseta Personalizada.If he will be possible add my blog in your blogroll I thankful, bye friend).
August 18, 2007 at 1:17 PMالعريان وراء القضبان
August 18, 2007 at 9:26 PMشاركنا فى حملة التضامن مع الدكتور عصام العريان
على مدونتى
نفسي يبطلوا يعملوا كده
August 19, 2007 at 4:51 PMوالله ما بالايميلات ولا بالكلام
نطهر قلوبنا من امراضها
ونصلح تصرفاتنت وسلوكياتنا
وكله هيبقى تمام
مدونتك جميلة
تحياتي
إحنا ممكن نرد عليهم
August 20, 2007 at 9:19 PMوالله لو مابطلتش تبعت الرسايل دي و حذرت الناس منهاهيحصلك حاجة وحشة بعد 3 أيام
يمكن يبطلوا
لقد اسمعت لو ناديت حيا
August 22, 2007 at 8:59 AMولكن لا حياة لمن تنادى
انا عندى جروب على الياهوو عدد أعضاءه فوق ال4000 وبعت لهم تحذير من الموضوع ده .. وألاقى جايلى ايميل من احد الأعضاء فيه رساله من دول ولا كأنى قلت حاجة
وعملت كمان تدوينة فى الموضوع ده
اسمها مثلث الرعب
http://klematy.blogspot.com/2007/07/blog-post_16.html
خالص تحياتى لإيجابيتك
بصراحة أنا داخل عشان أقول إن المدونة جميلة قوى
August 22, 2007 at 9:23 AMعذرا لتأخرى فى الرد
August 22, 2007 at 4:22 PMجزاكم الله خير على ايجابيتكم واتمنى محاوله نشر الفكره للتخلص من هذا الكم الهائل من الايميلات ورسائل الاوف لاين التى لا هدف لها وتفقد الكلام قيمته كما قال الاخ عصفور المدينة
جزاكم الله خير
اولا مدونتك جميله جدا شكلا وموضوعا
August 22, 2007 at 8:52 PMثانيا انا كمان بكره جدا موضوع الاوف لاينز اللى بتيجى على المااسنجر وتكون فيها تهديد ووعيد لانها بتستفزنى
وبتخلينى انى مبعتش الرسايل دى
وعلى فكره انا لاحظت انا واصحابى ان الرسايل دى ساعات بتبقى مصحوبه بفيروس
ولما بتتبعت لاكتر من حد بتتنشط وبتبوظ الاجهزه
تحياتى على البوست
جزاك الله خير على كلماتك الرقيقه
August 24, 2007 at 12:09 AMفعلا عرفت ان الرسايل بتهديد الشلل لو متبعتتش اغلبها هدفها فيروسات وتعارف
ربنا يهدى
انا بقول نخلى الايميل مقبره احسن
:D
نورتى المدونه
:D
August 29, 2007 at 3:00 PMانا مبيشوفوش النور بعد ايميلي
__________
لا يعني بجد .. انا مش ضد الايميلات الدينيه .. بالعكس
بس ان حد يقولك ان واحد اسمة سحتوت مثلا .. في البلد الفلانية .. حلم برسول الله .. والرسول بلغه السلام أمانة للعالمين
مش عارفه الحقيقي -_-
______________
او مثلا لو بعتها ل 25 شخص هتحصلك حاجه حلوة جدا .. ولو مبعتش بيتك هيقع
يعني الدين مش كده ..
اتفق معاكي يا اومي في كلامك
أنا بتصرف غالبا نفس التصرف
September 1, 2007 at 12:42 AMلأما باهمل الرسالة مش علشانها بس بيضايقنى الاسلوب
لأما بمسح الجزء الأخير
غالبا يا مونى الناس دلوقتى بقيت قادرة على التميز...
إلا قلة....
مفتقداكِ
ويقلقنى غيابك...
كليوباترا..
September 3, 2007 at 3:00 AMنورتى المدونه
اشوفك على خير قريب خلاص الدراسه هتبدأ ان شاء الله :)
____
حبيبتى الغاليه جدا
أريج
افتقدكِ ايضا
ولا يكفينى سماع صوتك!
اللهم ارزقنى رؤيتك على خير
Post a Comment