السلام عليكم ورحمه الله وبركاته

بدايـة , كل عام وأنتم بخير

ربنا يبلغنا رمضـان ويتقبله منا
بتخيل حياتنا لو مكانش في رمضان

لاني بحس ان رمضان بيدينا طاقة لباقي السنة

بيفكرنا بطاعات جايز هجرناها طول السنة

بيعينا على الطاعة بشكل لا يوصف

رمضـان نعمـة بجد
ربنا يعينا على حسن استغلاله

==


احداث كتير حصلت الفترة اللي فاتت

لعل ابرزها إني اخيرا

وبعد 17 سنة دراسة تقريبا

ولله الحمــــــد


اتخرجت

ليسانس آداب قسم التـاريخ

يـاربي لك الحمد كما ينبغي لجلال وجهك وعظيم سلطانك

ويارب ينفعني بما درسته ويعينيي اني أخدم ديني بعلمي


وعقبالكم كلكم يـارب

==

اخر حاجة حابة أشارككم بيها

صورة صورتها لزهـرة جميلة جدا

سبحان الله كل زهرة لها شىء بيميزها

وزهـرة الشمس اكتر ما يميزها البهجة



أول تجاربي لتصويـر الطبيعة الصـامتة

أستخدمت الفوتوشوب لتغيير لون السائل

أتمنى أن تشاركوني نقدكم

:)


أضحك الصورة تطلع حلوة ..


السلام عليكم ورحمه الله وبركاته

رغم اني مش حابة ان المدونة تتقلب معرض للصور
لكن يبدو ان التصوير صار بالنسبة لي هواية قوية

.

.

صورة التقطتها من شهور
عصفور فعلا كالبشر
سبحان الله


لغة لا تحتاج لمترجم .. صور


السلام عليكم ورحمه الله وبركاته


قالوا عن الزهور

الزهور تهذب النفس والروح ..كلما نظرنا لها نتعلم درسا جديدا .. سبحان من أبدعها









فسبحان من أبدعها ..
2010

نويت أصلي بكرة !




بتقول كسلت تصلي؟

الله
اللي خلقك .. اللي انعم عليك بنعم انت مش حاسس بيها
إسلامك نعمة
سمعك للآذان نعمة
قدرتك على الركوع نعمة
قدرتك ان جبهتك تلمس الأرض نعمة
وغيرها ..
تخيل ان في ناس بتسخر حياتها لبقر!
وبتعبدها من قلبها
ومبتكسلش انها تركع للبقرة كل ما تعدي من قدامها
ما بالك وانت عارف ان الله هو الحق
وان هو المستحق للعبادة

؟؟

كتير اننا نشكر الله بالصلاة ؟؟
ومتقلش بشكره بلساني
اشكره بأنك تنفذ كلامه
نص ساعة في اليوم صلاة كتيرعلى ربنا؟؟
وخلي في اعتبارك ان ربنا مش هيستفيد حاجة بصلاتك
انت اللي هتستفيد
ولو قصرت
صدقني والله انت الخسران
انت اللي هتتحرم من الجنة
تخيل لما تحط نفسك في مكان العلماء اختلفوا فيه ان كان تارك الصلاة كافر ولا مسلم
ليه ؟؟
ليه تختار ان ربنا ينظر لك بعين الغضب يوم القيامة
ليه تختار ان لما ربنا يسأل النار هل امتلأت , والنار تقول هل من مزيد
تكون انت المزيد
متخيل؟
يوم يكشف عن ساق ويدعون إلى السجود فلا يستطيعون خاشعة ابصارهم ترهقهم ذله وقد كانو يدعون إلى السجود وهم سالمون .. سورة القلم

انت المقصود في الآية
انت اللي ربنا دعاك للسجود والصلاة وانت قادر في الدنيا
واخترت انك متصليش
انت اللي اعتبرت ان ماتش الكورة حجة
انت اللي اعتبرت ان قعادك على النت حجة
انت اللي اعتبرت ان ممكن يكون في حجج لترك الصلاة
لكن خليك صادق مع نفسك
في حجة انك تترك الصلاة ؟


.
.
بجد عيب ..

الله له حق علينا حق اننا نعبده ..

كما أراد هو أن نعبده

والحق ده لازم نوفيه

إما هنصليه في الدنيا وننعم في الآخرة

أو هنختار العكس نريح نفسنا في الدنيا من الصلاة ونختار النار في الآخرة !

بالله عليك اخترت صح ؟؟ . .

راجعت نفسك ؟
اخترت تصلي ؟

يبقى انت بقيت المقصود في الآية
إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً (70) وَمَن تَابَ وَعَمِلَ صَالِحاً فَإِنَّهُ يَتُوبُ إِلَى اللَّهِ مَتَاباً ... الفرقان

:)



نقل الزحمة




من الواضح للماشي والراكب والطاير مشكلة الزحام المروري في مصر وخاصة القاهرة
بإستثناء طبعا بعض الايام اللي ممكن تاخد المشوار اللي بتاخده في ساعة عادة .. تاخده في تلت ساعة
مثال قريب : خلال ساعات المباريات

والحكومات المباركية على مر السنين بتحاول توجد اساليب متميزة في حل الازمة المرورية

وبعد تفكيـر طال لسنوات

نجحت مصر في ايجاد سياسة جديدة لحل تلك المشكلة
وهي
سياسة نقل الزحمة

مثال : شارع حسنين مشهور بزحامه الشديد
خلاص
نعمل كوبري يخفف الضغط من شارع حسنين ..ويرفع الضغط والسكر لشارع فوزي

وبعد سنين يحسوا بأزمة شارع فوزي
فينقلوه الزحمة لشارع تامر

وهكذا

وانا من موقعي المتواضع
اطالب بمنح الحكومة المصرية جائزة نوبل نظرا لأفكارها المتميزة لحل المشكلات

ألا هو صحيح أوباما خد نوبل ليه؟؟