الشيشان..فخر الأمة

السلام عليكم ورحمه الله وبركاته

قضية لا اعلم لما طمست .. هل لأنها حرب ضد الاسلام مباشرة.. وليست كما قضية فلسطين .. قضية ضد العرب فى المقام الاول..!

ولكن اعلم ان دورنا نحن العرب ان نقاوم طمس الاعلام لتلك القضية .. وان نسعى جاهدين لنشرها ومعرفتها

لاننا سنقف امام الله عز وجل ولن نجد ما نقول..

قضية الشيشان

الاف من القتلى .. عشرات المذابح والمجازر

ولا احد يسمع عنها

حرب ضد الاسلام معلنه بشكل مباشر..

قضية الشيشان





ماذا سنقول لله عز وجل حين يسألنا عما فعلنا لهم!!

اللهم اغفر لنا تقصيرنا

ومن الشعور بطمس القضية جاءت فكره انشاء مدونه للشيشان بارك الله فى القائم عليها
فساهم فى نشرها فلعلها تشهد لنا يوم القيامة ...


الشيشان ..فخر الامة

مسيرة فى القاهرة ..منذ ساعة

السلام عليكم ورحمه الله وبركاته

من اجل غزة وقفنا منذ ساعه فى وقفة نسأل الله عز وجل ان يصل صوتنا لكل الاذان

..
هذا الطفل فلسطيني فعلا.. كان معنا فى الوقفة



سلام عليكم ورحمه الله وبركاته


وصلنا منى مجهدين من طول مده الطريق بالاضافه للسير تحت شمس السعوديه الحارّه حاميلين امتعتنا

ولكننا لم نجد مكانا لنا فى الخيام!

توجه ابى بحثا عن مسئول المخيم واذا بالمفاجأه

المسئول عن تنظيم الرحله يحج معنا!!

مرتديا لبس الاحرام بيننا ,, لا يشغل باله اصلا بالحجاج

اخبره والدى بالوضع فأمرنا بالسير وراءه ليدلنا على مكاننا

وكان بصحبته احد معارفه

وصلنا لخيمه فأدخل فيها معارفه واغلقها!!

طب واحنا يا استاذ؟؟

رد ببرود شديد " دوروا فى الخيام هتلاقوا اماكن فاضيه"

مشينا وسط الخيام نفتح كل خيمه ونلقى نظره

وكل الخيام لا مكان فيها لوضع قدم

لكن الحمد لله ربنا يسر واستطعنا ان نجد مكان فى خيمه

سجاده 2 * 3 متر ونحن خمسة بأمتعتنا

لا بأس.. الحمد لله على كل شىء

توجهنا لرمى الجما ر وبصراحه اشكر كل القائمين على تنظيم الحج فى السعودية

المناسك ميسره جدا وتنظيم راااائع جدا لدخول وخروج الحجاج عند رمى الجمرات

وعدنا للبيات فى الخيام

وتحدثت مع احد النساء فى الخيم ومعها ابنائها واختها

والمفاجأه انها اصلا من سكان السعودية وليست من حجاج القرعه

لا يضايقنى وجودها بيننا

ولكن يضايقنى ان هناك من حجاج القرعه من لا يجد مكان للمبيت داخل الخيام وهم الأحق

فأضطروا للمبيت فى الطرقات بين الخيام

نعم .. ما رأيتم والله صحيح

القمامه تملا المكان ولم ار عامل نظافه الا فى اخر ايام منى عند رحيلنا !!!

كان الحجاج المسنين رجال ونساء يفترشون الارض فى تلك الطرقه الضيقه

طبعا المسئولين بيحجوا وبيعاملوا نفسهم على انهم حجاج وليسوا مسئولين عن ارواح ناس!!

ومفيش اى اداره ولا فى اى حد مر على الخيم يتأكد من وصول الجميع وعدم وجود دخلاء

عادى جدا!!

مع انتهاء رمى الجمرات كان على الرجال حلق رؤوسهم

طبعا مع كميات الشعر المهولة فى الحمامات .. المجارى ضربت!

وتسربت المياه فى الطرقات التى يفترش الناس فيها!!

ولكن لا ملجأ لهم من المجارى والقمامة غير انهم فرشوا كراتين وحاولوا يبتعدوا عن المياه!!!



اى انسانيه هذه؟؟؟؟



للتوضيح اكتر.. على الشمال ده مدخل الخيمه


كان علينا العبور من فوق القمامه


ويبدو ان المسئولين بيوفروا اجر عمال النظافه


او عمال النظافه متكاسلين وطبعا مع عدم وجود اداره كانت بيئه مناسبه جدا للحصول على الصورة دى ..


ولإلا يقول البعض ان الوضع هو نفسه فى كافه المخيمات


الصورة تتكلم عن نفسها




يتبع ان شاء الله..


لكن عايزه اقول حاجه
بالرغم من كل السلبيات الموجوده ف البعثه الا ان ولله الحمد ده لم يؤثر على كل روحانيات الناس..بمجرد دخولك المسجد الحرام
او خيمتك تنسى كل تلك السلبيات بفضل الله سبحانه وتعالى وتتفرغ للعبادة
ولكن كل ما فى الامر هو ..البعثة
واعتقد هناك تنظيمات اخرى وبعثات اخرى اكثر حرصا على الحجاج
العيب ليس فى الزحام ولا فى المناسك ولا فى فى شىء سوى ..هذه البعثه
بعثة الداخلية المصرية لحجاج القرعة

..

اول القصيدة..

السلام عليكم ورحمه الله وبركاته

عارفه ان لسه منزله التاج انهارده بس مش قادره استنى بصراحه لانى صبرت كتير على الموضوع ده

الحمد لله انا كنت من ضيوف الرحمن هذا العام

ولكن المؤسف انى كنت من حجاج بعثه وزاره الداخلية لحجاج القرعة

لا انكر انى استفدت كتير من هذه البعثه

اتعلمت الصبر

اتعلمت كظم الغيظ

اتعلمت ان مصر لا تفارقنا اينما ذهبنا

اتعلمت ان المصريين بيعاملوا اسوأ معاملة سواء جوه او بره

بدون مبالغه ولا حاجه

اتعلمت ان مشقه الحج مش فى المناسك.. مشقه تصنع بيد البشر

انا رجعت من السفر بقالى اسبوعين تقريبا ومازلت احمل غضبا من البعثه حتى الآن

الموضوع هدفه الأساسى والوحيد إظهار حقيقة بعثة وزاره الداخلية لحجاج القرعه
__

هحاول اختصر بقدر الإمكان ولكن ليس على حساب توضيح الامور

فلنبدأ من البداية

لا انكر ان تجهيزات السفر كانت يسيره والحمد لله وحجز الطيران وكل ما نحتاج للذهاب

ولكن حين وصلنا مطار جدة

كانت البشرى بحال البعثه .. ركبنا الاتوبيسات تمهيدا للذهاب لجدة

ولكن طال انتظارنا .. ساعه .. ساعتان..لدرجه انى نمت من تعب الرحلة ولا اعلم متى تحركت الاتوبيسات

وارد جدا فى اى بلد فى بلاد الدنيا ان يتأخر.. لم اكترث كثيرا للتأخير

وصلنا للفندق فى مكة وبدأت عملية التسكين

حاله من الفوضى وعدم التنظيم سادت الموقف

انا فعلا مستغربه ان فى حد مسئول عن حوالى 1000 بنى ادم وبيستخدم الورقه والقلم والكوريكتور !!
بالرغم من وجود جهاز كمبيوتر.. الا انه غالبا ديكور

الحمد لله تم التسكين وبدأت رحله الروح الى المسجد الحرام

حتى حان وقت الذهاب الى عرفه

ويالها من مهززززززلة

معروف ان معظم الحجاج من كبار السن فلا يليق ابدااااا ان يكون الركوب ب( اللى يلحق )!!

الاتوبيسات غير كافية والكل يتزاحم والكل لا يهتم الا بأن يركب بكل تأكيد

والادهى انه مفتحوش الاماكن المخصصة لوضع الحقائب فى الاتوبيس

يعنى كل واحد يحط حاجته على رجله!!

ومعروف ايضا ان كل واحد معاه بطانيته والاكل غير الادوية بالنسبه لكبار السن

لكن لا انسانية ..كل واحد يحط على رجله وخلاص!!

بعد وصولنا عرفه سعدت جدا بما رأيت صراحه

كل مخيم مرفوع عليه بالون كبيره عليها العلم لتدل اصحاب الدوله على مخيماتهم نظرا لتشابه الاماكن

وطبعا مصر المحروسة معندهاش بلالين فكانت توهه ما بعدها توهه لحد ما لقينا المخيم

خيمه غير مؤهلة لحياة آدامية

حيث اننا ذهبنا لعرفه فى اليوم السابق له وكان علينا البيات طبعا فى الخيمه

وبإفتراض انى انا - كشابه - هقدر انام على سجاده ..
كبار السن اصلا بيقعدوا على الارض بأعجوبة نظرا لحالتهم الصحية!!

دورات المياه واماكن الوضوء لا تليق ابدا ابدا باى كائن حى ايا كان

الابواب معظمها بايظه والمياه لا تصل لكافه الاماكن

اماكن الوضوء مسدوده والحنفيات اشتغلت اول مره وبعدين خلاص!!

ناهيكم عن الوجبات العظيمه اللى اتوزعت علينا

وجبه لا تسمن ولا تغنى عن جوع

علبه تونه - عصير برتقال - بسكوت مملح - كرواسونايه حالتها تصعب على الكافر ,.حتى الآن لا اعلم ما طعمها
وتفاحه وكنت سعيدا بتواجدها جدا جدا

طبعا هى الوجبه كويسه

لكن اما يكون كل يوم لمده 4 ايام هى نفس الوجبه والمفروض تسندنا على مشقه الحج

يبقى حرام عليهم !!

__

حتى الآن الوضع كان الى حد ما كويس وده اللى اكتشفته لما انتقلنا للمرحلة التانية

الخروج من عرفه

نتفترض اننا 1500 مصرى فى المجموعه اللى كنا فيها

عدد الاتوبيسات كان قليل جدا جدا جدا بالنسبة للناس

ومفيش حد اصلا يقولنا فين الاتوبيسات ولا اى حاجه


لدرجه ان فى ناس مشيت من عرفه للمزدلفه شايلين حاجاتهم

لان معرفوش يزاحموا فى الركوب

الحمد لله ربنا قدر لنا الركوب

ووالدى ركب فوق الاتوبيس على امل ان الطريق قصير

ولكننا وصلنا المزدلفه بعد حوالى 8 ساعات!!

فى حين ان المسافه اصلا حوالى تلت ساعه


لكن لظروف الزحام وظروف ان مكانش فى سواق!!

فعلا مكانش فى سواق..وده اللى اكتشفناه

سائق الاتوبيس حاج معانا وطبعا مش عارف الطريق وتوهنا

امرأه مسنه كانت جنبى فى الاتوبيس مريضه بالسكر

كانت جايبه الانسولين معاها وحاطاها وسط تلج وطبعا التلج ساح والانسولين باظ!!

طبعا غير كبار السن اللى قاعدين فوق الاتوبيس!
( كنت اما بشوفهم فى العيد وانا فى مصر كنت بفتكرهم قاعدين من الفرحه!!)
وصلنا للمزدلفه وجمعنا الجمرات.. وتحركنا مباشره لمنى ولم نبيت كما هو وارد فى السنة

ووصلنا منى وبدأت متاهه جديدة

وكده اصبح الطريق من عرفه لمنى 18 ساعه

طبعا الرجال فوق الأتوبيس كادوا ان يصابوا بضربه شمس

ووصلنا لمنى واذا بالسائق يتوقف بالاتوبيس على كوبرى فى منى ويطلب منا النزول لانه مش عارف مكان المخيم!!

نزلنا بالشنط والبطاطين صغار وكبار ومش عارفين نروح فين!

واصعب ما فى الامر اننا فى الطريق كنا بنشوف كبار السن شايلين الشنط وظاهر عليهم علامات الارهاق من الشمس ومش قادرين نشيل عنهم..لاننا زيهم!!

واللى راح منكم منى عارف قد ايه المكان كبير ومتشابه جدا


وقفت انا وامى والنساء وذهب ابى مع الرجال علشان يسألوا عن المكان لاننا فعلا كنا ارهقنا من الشمس واصلا ماشيين ومش عارفين الطريق ..!

عسكرى سعودى جزاه الله خير وصف لنا المكان

وصلنا مجهدين جدا طبعا بعد سير ساعه تقريبا فى الشمس

والمفاجأه


لا مكان لنا فى الخيام!!

...

يتبع ان شاء الله

والمهازل الأكبر..






تاجات

سلام عليكم ورحمه الله وبركاته
موسم التاجات تقريبا
تاج من ام البنات وطعمة ورضوى

التاج الأول :

ما هي سورتك فى القرآن (أى أحب سورة إليك تقرأها في فرحك وفي حزنك) ؟
سورة مريم وطه
ما هي أحب آيه إليك ؟ الآيه التى دائما تتمناها ؟
"ألم يأن للذين آمنوا أن تخشع قلوبهم لذكر الله "
وعجلت إليك رب لترضى ..سورة طه
ما هي أكثر آيه تخاف منها وتدعو الله ألا تكون من أصحابها ؟
وقدمنا الى ما عملوا من عمل فجعلناه هباء منثورا
ماهي الآيه التي تشعر أنها تتكلم عنك ؟
وعجلت إليك رب لترضى
من أحب صحابي وأحب صحابية ؟
الفاروق عمر بن الخطاب رضى الله عنه
والصحابية خديجة بنت خويلد رضى الله عنها

من أحب نبي إليك بعد الحبيب (صلى الله عليه وسلم) ؟
سيدنا يوسف عليه السلام
إذا كنت على عهد رسول الله (صلى الله عليه وسلم) فمن كنت تحب أن تكون ولماذا ؟
أسماء بنت ابى بكر ..واكون فى موقفها اثناء هجرة الرسول صلى الله عليه وسلم
ما هو منتداك وموقعك المفضل ؟
منتدى حارة زعتر
ماهى أحب الأسماء التي تحب أن تُنادى بها ؟

والله مفيش اسم معين بحبه لكن بحب اى اسم ينادونى به احبائى..المهم المنادى
من هو كاتبك المفضل ؟
عامة بحب اقرا عن الشخصيات ..واكثر كتاب عجبنى هو كتاب مذكرات عبد العزيز الرنتيسى جدا
المهم موضوع الكتاب..
مدون له فضل عليك واستفدت منه ؟
مش حد معين
من هو قارئ القرآن المفضل لك ؟
احمد العجمى وماهر المعيقلى وقارىء اسمه اسلام العربى
من هو منشدك المفضل ؟
احمد بو خاطر وميس شلش
ما هو نشيدك المفضل ؟
على حسب حالتى النفسية ساعات احب اسمع حاجات حماسية وساعات اناشيد لوم النفس
وهكذا
إذا كان لك دعوة تدعوها وستتحقق باذن الله فبماذا تدعو ؟
ان يرضى الله عنى
ما هو الداعية المفضل لديك أو شيخك المفضل ؟
مصطفى حسنى ..وتفسير الشعراوى
ما هي أكثر عبادة تشعرك أنك قريب جدا من الله ؟
مساعدة الناس
من أحب أفراد عائلتك إليك ؟
والداى
ماهو أملك فى الحياة ؟
ان تكون حياتى كلها فى رضا الله عز وجل
*********************************
التاج الثاني :
لماذا اخترت اسم مدونتك؟
تصدقينى لو قلتلك انه جه كده!
اعربها
:D
لماذا تدون؟
فى الاول كان مجرد تجربه حياة المدونات
لكن وجدت انى بحتك بعالم غير عالم المنتديات فعجبنى الوضع خاصه لما يحصل حمله كل المدونات تحملها
يعنى المدونات ليها طابع خاص مختلف عن المنتديات
لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟ أو لوكنت أوروبي أو غير مسلم بردو إيه نظرتك للعرب والمسلمين ؟
لو كنت عربية : كنت هحس ان الحال من بعضه
ولو كنت اوروبية غير مسلمة : كنت اكيد هتأثر او هكون خلفيه عن الاسلام من الاعلام الغربى!
الحمد لله على نعمة الاسلام
لو قالولك إنت بقيت رئيس جمهورية هتعمل إيه؟
هأرفض
لو كان ينفع ترجع طفل تاني وتخليك طفل علطول هترجع؟ وليه؟
والله انا شايفه ان لكل سن جماله
يعنى لما افتكرت طفولتى لقيت انها جميله اه ولله الحمد بس حاسه ان وانا شابه اقدر اعمل حاجات جميله تحلى المرحله اللى انا فيها
وهكذا كل عمر له مذاقه الخاص..
مش هرجع..
لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟
مش هقولهاله بصورة مباشرة.. هيفهم لوحده
لان صعب عليا انى اصارح حد
لو سمح لك برؤية الرسول (عليه الصلاة والسلام) وإنك تقوله كلمة واحدة بس أو جملة واحدة بس هتكون إيه؟
جزاك الله خير عنا
لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟
هرفض الارتباط
لان لو كان العكس كنت هطلب منه فسخ الخطوبة لان الانجاب من اسباب الزواج
لو طلعت القمر هتكتب إيه عليه؟
مش هكتب..!
لوكنا في عصر إزدهار الأندلس كنت تتخيل نفسك إزاي؟
فتاه مسلمه فى حال افضل
لو مررت التاج ده لحد وما جاوبش عليه أعمل فيه إيه؟
ولا حاجه
لو هتسافر في أي مكان في الدنيا تعيش فيه هتروح فين ؟
تونس
ولو داخل مصر..الإسكندرية

امرر التاج لكل من عايز يتهور ويدبس نفسه وياخده

عدنا




سلام عليكم ورحمه الله وبركاته


بجد كنت ناسية انى عندى مدونه اصلا

رغم ان قبل السفر كنت متخيلة انى هفتقد النت

بس لما وصلت فعلا احساس لا حرمكم الله منه

مش هتنسوا النت بس..هتنسوا الدنيا

رجعت يوم 31 وبدأت من تانى يوم الامتحانات

ومعرفش ليه ملزقين الامتحانات فى بعض ومش سايبين مده كافية بين كل امتحان والتانى!!

خلصت امتحانيين الحمد لله

وبطلب منكم الدعااااء المكثف للإمتحانيين الجايين

جزاكم الله خير

الصور دى تصبيرة لحد ما اخلص الامتحانات ان شاء الله وهنزل باقى الصور

ربنا يكتبها لكل مشتاق

المسجد الحرام من الخارج

...