نويت أكوم مستقبلي

33 comments:

وائل مصطفى said...

اللى بيعمل كدة ساعات بلاقيله عذر

رغم انه بيخنقنى طبعا بمحاوله الفزلكه دى

لكن اللى بيخنقنى اكتر

اللى بيتكلم كدة

شوفت الاند بتاعة الموفى امبارح

حقيقى كنت سو ساد لانى مش كان عندى اماجن نفر ان الريليشن بين البطله والبطل تخلص سو ايزى كدة

الله يكرمك يا اخت امنيه خلينى ساكت

انا مش هربليى على التوبيك دة

November 6, 2007 at 3:41 PM  

وائل مصطفى said...

افتكر انى لما اشتغلت فى الشركة عملولنا دورة فى تجارة عين شمس عن خدمه ما بعد البيع على اعتبار اننا مهندسين صيانه هنتعامل مع عملاء للشركه

المهم انى فاكر كلمه للمحاضر قالها مرة عند التحذير من استخدام مصطلحات انجلش عمال على بطال وسط الكلام طالما المعنى بالعربى قريب لأن دة بيخلى اللى قدامك يبصلك بصه من اتنين

يا انت بتحاول تفهمه انك ابن ناس جدا والعربى دة بيئه

يا انت احسن منه بكتير

والاحساسين غلط خصوصا لو بتكلم مع حد مش عارف هيفهمنى ولا لأ

ودة كله فى الكلام اللى بيطلع تلقائى فما بالك لو كنت بتصنع

ربنا يهدى

November 6, 2007 at 3:50 PM  

امنية said...

سلام عليكم
حضرتك بتلاقيله عذر
ممكن تشاركنا بالعذر ده :(
ايه هو العذر لاستخدام حروف انجليزي فى كتابه العربى؟

وبالنسبه لموضوع كلمه عربى كلمه انجليزي
فى ناس دى طبيعه عندهم نظرا لدراستهم او البيئه اللى نشأوا فيها
دول مش بينرفزنونى
اللى بينرفزنى اللى بحس ان دى مش طبيعته ..يعنى بيتفزلك !

ربنا يهدي
انا مش عارفه العربى ماله!!
جزاك الله خير على مرورك

November 6, 2007 at 5:23 PM  

radwa said...

حاجه تنرفز فعلا
لو اللى قدامى مضطر عشان جهازه مافيهوش عربى مؤقتا ..ماشى

لكن يخنقنا بقى بالفرانكو اراب؟؟
لا بتخنق جدا

الكيبورد فيها الحروف عربى وانجليزى
متعود تكتب انجليزي يبقى انجليزى
مش تقلب العربى بحروف انجليزى

او اتعلم تكتب عربى على الكيبورد وريحنا

فى وقت من الاوقات
كنت عاوزة اتعلم اكتب انجليزى بسرعه
بقيت على الماسينجر اكتب فرانكو اراب
d:
بس انا نفسى كنت بتخنق
فمابال اللى بيقرا ؟؟

November 6, 2007 at 5:27 PM  

امنية said...

kalamek sahih ya radwa
lezalek ana hakhno2ek :P
nawarty al-blog :D

November 6, 2007 at 8:58 PM  

radwa said...

mabalash anaa d:
hatendamy
e7na 24 sa3a ma3 ba3d on line
D:

November 6, 2007 at 9:10 PM  

عصفور المدينة said...

إنها الهزيمة النفسية وبأيدينا لا بأيديهم
جزاك الله خيرا
وعلينا دور أن ننوه في مناسبة بمناسبتها ولايقتصر الأمر على بوست على الكتابة بالعربية

الحمد لله أنا أتحدث الانجليزية جيدا أحد الأصدقاء رأى هاتفي المحمول يعمل بالعربي فتعجب جدا وقال هذا مستغرب منك وخاصة أنني أستخدم بعض الانجليزية في الكلام العادي لظروف العمل فكأن كل من يعرف الانجليزية عليه أن يهجر لغته هذا العار الذي ألصق به ويريد أن يتخلص منه

November 7, 2007 at 1:16 AM  

امنية said...

صحيح يا اخ عصفور المدينه
بحس احيانا انه فعلا كسوف من اللغه العربيه
سواء فى كتابه او كلام
فى ناس تصطنع فى حديثها وتحاول باى طريقه
انها تدخل الانجليزيه فى كلامها
كنوع من الرقى!!
وكأن العربيه تجلب العار !
عار عليهم والله
هجروا لغه القرآن..

November 7, 2007 at 6:02 AM  

AbdElRaHmaN Ayyash said...

3la fekra, elfranco bymathel culture mwgooda w mane2darsh nenkerha fe belada kolha
momken tesameha elta3'reeb
bs fe3lan ana bakoon soo annoyed mn elly byektebo belshakl da.
ana msh met3wed akteb keda f ay makan .. laken ahow elman byet3allem (A)

November 8, 2007 at 3:00 AM  

Maha said...

جيتي على الجرح يا أمنية

نفس الإحساس والشعور لما بقرأ الفرانكو أرب

يا إما عربي يا إما انجليزي .. مفيش حاجة اسمها بين البينين

November 8, 2007 at 9:44 AM  

الأستاذ said...

أنا عن نفسي إتعودت أتلكم بالطريقة دي
لأني الأول كنت بكتب لغة عربية لأني بحبها جداً وبكتب كلام صعب شوية أو بالفصحى
فقالولنا روشنة نتكلم إنجليزي
قولت كويس وإتكلمت إنجليزي محدش فهم وكان فيه كلام مش بيوصل برضه اللغة مش هتقدر توصل أوي زي العربي
طلعت الحركة بتاعت الإنجليزي المعرب ده
واتعلمتها هي لذيذة واٍسرع في طريقة الكتابة الصراحة ولأن لو مثلاً في كلام الواحد مش عارف معناه بالانجليزي أو من باب الفزلكة فعلاً فبيتكلموا كدة
لكن لما حد بيكلمني عربي بكلمه عربي ولو إنجليزي بكلمه إنجليزي ولو كدة يبقى كدة كدة
لكن عادي يعني مش قصة كبيرة اللي بيخنقني فعلاً اللي يقولي أصلي مش بعرف أتكلم غير كدة فعلاً هل اتولدوا كدة؟ ولا أمهاتهم أجنبية وأباؤهم مصرية؟؟ علشان كدة بيكتبوا عربي زي المكسر كدة بس ده مش مكسر ده مفرفت
مع أطيب تمنياتي تعرفي السبب فعلاً
تحياتي

November 8, 2007 at 11:16 PM  

soso said...

لما جبت كاميرا جديدة عملت اللغة فيها عربى
مش عارفة لية حيت ان كول اصحابى فهموا انى مبفهمش انجليزى
حتى كمان الموبايل بتاعى بالعربى
نفسى اعرفهم انى والله جنت جايبة فى درجات نهائية فى القانوية العامة
هههههههههه
بصى ياامنية انا اكتر الناس الى بتكملمنى انجليزى معرب بيكونوا مش من مصر ومش بدايق منهم
لكن بتفرس لما بلاقى حد بيتكلمة اللغة دى وهوة ممكن يتكلم عربى علشان كدة مش بغير اللغة معاة بفضل اكتب بلغتى وهما بلغتهم
والى مدايق يغير
وانا مش هستسلم
***********
اقولك اية بس يامونى
اشتاق جدا للاكل معاكى
عبريييييينى
*****

November 10, 2007 at 5:22 PM  

Mohamed Mankola said...

السلام عليكم

انا بقى من اكثر الناس اللى بكتب فرانكو
و ممكن كمان اقرا مقالة طويلة مكتوبة بالفرانكو

طب ليه

الحقيقة لعدة اسباب

انا طالب فى هندسة يعنى معظم دراستى بالانجليزى....و بعمل تقارير بالانجليزى لدرجة انى بقيت محترف كتابه على الكيبور بالانجليزى
لكن لما اجى اكتب بالعربى بتبقى مشكلة علشان البطء
عشان كده بنجز بالفرانكو

و لعلمك معظم منتديات لدفعة هندسة بتبقى بالفرانكو

و ده السبب التانى اللى خالانى اكتب فرانكو فانا موجود فى المنتديات و بالتالى لازم اتعلم قراءة وكتابة الفرانكو

bas keda

3ala el 3amoom mawdoo3 el farako dah mesh kbeer awi la2enha beteb2a ma3a fatra mo3ayana

:D :D

November 13, 2007 at 10:27 PM  

Anonymous said...

باختصار هذه هى الهزيمة النفسية داخل قلوب العرب أرجو تكونى فهمتى الباقى ياأمنية

November 16, 2007 at 4:10 AM  

BinO said...

السلام عليكم ورحمة الله وبركاته
موضوع كتابة العربي بحروف أنجليزية سببه ان بداية دخول النت وتعامل الناس معاه كانت معظم المواقع لا تملك أكواد حروف اللغة العربية فطبعاً الناس كانت بكتب أنجليزي غصباً والضعيف في اللغة بدأ يستخدم حروف اللغة الأنجليزية للتعبير , غير أن رسائل الموبيل ذاتها في نفس التوقيت كانت باللغة الأنجليزية فقط ايضاً وهو ما ساعد علي أنتشار الموضوع أكثر بين فئات أكثر لم تكن تستخدم الكومبيوتر كثيراً , مسألة السرعة ديه مسألة وقتية تستلزم بس نزع نبرة الأنهزام وأستبدالها بنبرة الأعتزاز

وجزاكم الله خيراً

November 16, 2007 at 11:37 AM  

امنية said...

الأخ عياش..
ثقافه موجوده لكن مش المفروض تكون موجوده
يعنى الأسلوب ده فى الكتابه ولا العربى يعرف يقراه ولا الاجنبى يعرف يفهمه
بأى منطق يعنى نكتب عربى بالانجليزى!
انا احبذ ان اللى بيتحجج ان دراسته انجليزية انه يكتب كما تعلم
انجليزى بحروف انجليزى واحنا هنفهم منه
واللى ميفهمش انجليزى يكتبله عربى معلش يعصر على نفسه لمونه , ده لو عنده عربى فى الجهاز طبعا!
والمان بيتعلم :D
____

مها:
فى الغالب انا مش بكمل قراءه اصلا
نورتى :)

____

الاستاذ:
هى الروشنه دى اللى مبوظه احوالنا
نقلد الاجانب روشنه فى كل حاجه
حتى لو كان على حساب تنازلنا عن هويتنا العربية
!!
اللهم أصلح الاحوال

____

سوسو هانم:
فينك يا بنتى
وانا كمان وحشنى الاكل معاكى
خاصه الكريب :D
وموبيل الناس اللى جنبينا يتسرق
والله كان يوم رائع
فى انتظار الاجازه ان شاء الله علشان نشوفك
واظهرى ماسنجر يا بنتى

_____

الأخ محمد عبد السلام
مفيش مانع تكون الدراسه بالانجليزى
لكن مش عذر لان تكون دى كتابتنا الاصلية
لما اكتب عربى يبقى بحروف عربى
اكتب انجليزى بحروف انجليزى
انا حاسه ان محدش فاهمنى!!!!!
____

أخ وليد:
هزيمه نفسيه وللاسف خجل او شعور بالعار من العربية !
اللهم أًصلح الاحوال

____

الأخ بينو:
اعتقد ان الانترنت ظهر فى التسعينات
يعنى بقاله كتير ومن فتره طويله متاح العربية فيه
يعنى اعتقد ان الفتره كافية لإجادة كتابه العربية على الجهاز
وعلى فكره انا بكتب عربى بسرعه رغم انى بدأت تعامل من سنه ونص تقريبا!
وأجادتها فى فتره قصيره نتيجه انى بكتب كتير ..
فعلا
اللى عايز يجيد الكتابه بالعربية هيجيدها
الا بقى لو هو مكسوف او حاسس ان الانجليزية هى الروشنه!!

جزاكم الله خير

November 16, 2007 at 10:11 PM  

Mohamed Mankola said...

انا فاهم قصد حضرتك

بس الموضوع -حسب راى الشخصى- مجرد ظاهرة مؤقتة فى حالة معينة

ممكن بعض الناس واخداها روشنة فعلا

بس مش معظمهم

لو لاحظتى ان تقريبا كل الناس اللى بتكتب فرانكو مجرد طلبه فى الكلية

و صعب الاقى حد متخرج بكتب فرانكو ككتابة اساسية لانه بمنتهى البساطة بيبقى عنده مسئوليات وتخليه يبعد عن الفرانكو

اما اتكلمت عن دراستى حبيت اوضح اننا مع بعض كطلبه بنكتب الفرانكو لاسباب انا و ضحتها سابقا ..لكن لازم نفهم ان الفرانكو مش الكنابة الاساسية لينا

و اكبر دليل على كده انى بكتب عربى عادى جدا
وكمان عامل مدونة مفيهوش فرانكو خالص

عموما جزاك الله كل خير على اهتمامك باللغة العربية..و كثر الله من امثال خضرتك

leehkeda.blogspot.com

November 18, 2007 at 3:59 PM  

ابو صهيب ( الجمعاوي الاصيل)سابقاً said...

لغتنا الجميلة
لابد لنا ان نعود انفسناعلى استخدام لغة القرآن الكريم لغة الوحي اللغة العربية التي ننتمي لها
وملهاش لزمة الفزلكة
ولو حضراتكم عاوزين تعرفوا اخر انجازات السيد رئيس الوزراء احمد نظيف يسعدنا زيارتكم في مدونة ميخا

November 19, 2007 at 12:09 AM  

إيمان الحسيني said...

أعتقد إن اللغة دي ظهرت مع ظهور مواقع التشات
لأنها كانت في الأساس باللغة الإنجليزية
ظبعا العرب مش هيوقفهم حاجة زي دي
:D
كان لازم يشاركوا ويثبتوا وجودهم
فابتكروا لغة الفرانكو آراب
بس الغريب إن المواقع دي اعتمدت اللغة العربية ولسه الناس بتتكلم بالفرانكو آراب
يمكن نسيوا العربي :)

November 20, 2007 at 7:57 PM  

بنت الصالحين said...

فعلا حاجه تنرفز

يعنى لو بتتكلم بالطريقه دى علشان تحسن اللغه ماشى

لكن تعمل كده علشان تستعرض اويبقى واد ابن ناس

اسمحولى بقى ده معقد

وبعدين العربيه هى لغه القران
مين ده اللى يتكبر عليها

لا لالالالالالا

سؤالى هو مين ده اللى يقدر عليها اصلا

November 22, 2007 at 8:58 AM  

Majhoula said...

This comment has been removed by the author. December 3, 2007 at 2:55 AM  

امنية said...

الأخ محمد عبد السلام.
انا لم اقصد حضرتك بالذات
ويارب تكون ظاهره مؤقته فعلاً
جزاك الله خير

______

الأخ الجمعاوى الأصيل:
للأسف انحصر استخدام اللغة العربية فى نقاط معينة!
ليتها تعود والله

______

طعمة الطعمة:

منورة
هما اظاهر نسيوا العربى فعلا
ربنا يستر

______

عاشقة الفردوس:
هى فزلكة قلبت بتعود
او يمكن الحروف العربى تكسف!!

ربنا يهدي
نورتى :)

______

الأخ المغربى
عليكم السلام
أهلا بحضرتك
المغرب وتونس خاصه حاله خاصه
نظرا للاحتلال اللى مازل مؤثر عليهم
بس المغرب بالذات
بحس ان معندهمش عربى
لهجتهم عبارة عن خليط من الفرنسى وحاجه تانية وبعض كلمات عربية
اتعاملت معاهم نظرا ان زوجة خالى مغربية وأولادها بيتكلموا مغربى طبعا
حاولوا تستخدموا العربية فعلا حتى فى الماسنجر
آثار الإحتلال لازم تبدأ تتمحى
وأولها عن طريق اللغة :)
جزاك الله خير على مرورك

December 3, 2007 at 8:48 AM  

Majhoula said...

This comment has been removed by the author. December 3, 2007 at 1:13 PM  

امنية said...

انا آسفه لظنى أنك شاب
ولا أقصد بكل تأكيد التشكيك فى عروبتكم
لكن من تعاملى مع اولاد خالى وجدت ان من الصعوبة فهم الكلمات
اولا لجهلى للفرنسية
وإختلاف اللهجة
وده مع اى دولة عربية انا مثلا لا افهم لهجة التوانسة الا بتركيز شديد
وسرعه الكلام زى ما قولتى بسبب تسكين الحروف
وده اظن سببه ان مفيش ثقافه بتوصلنا ومش بنسمع اللهجة لذلك مش سهل نفهمها!
وعلى فكره بحب جدا اسمع اللغة العربية من المغاربة
انا آسفه لو كنت ضايقتك بكلامى لكن والله دون قصد
تقبلى اعتذارى
:)
ويسعدنى لو نتواصل

December 3, 2007 at 2:09 PM  

Majhoula said...

This comment has been removed by the author. December 3, 2007 at 2:35 PM  

امنية said...

طب الحمد لله
كنت هتضايق والله لو زعلتى منى
بصى عامه هقولهالك بصراحه
المصريين مش منفتحين اوى على الدول العربية
يعنى قليل ما تلاقى حد متابع مسلسل سورى
او سعودى
كده
انما الدول العربية اعتقد بلا استثناء نظرا لانتشار الافلام والمسلسلات المصرية فعرفوا ثقافتنا ولهجتنا
وده ظلم لينا
احنا كمان عايزين نتشارك معكم ونعرف ثقافتهم
تعرفى انا نفسى اروح معسكر فيه عرب من كل الدول
ونتعرف ونتبادل ثقافات ولهجات
هيبقى اروع تعارف والله

__

انا لم اقصد استمرار الاحتلال
اقصد اثاره
بمعنى الكلمات الفرنسية سواء فى تونس او المغرب دى من بقايا آثار الاحتلال اللى كان بيحاول يمحى عروبه الدولة
والحمد لله فشل لكن تبقى بعض الآثار البسيطه
بس كويس انى عرفت منك ان الإكثار من استخدام الفرنسيه فى اللهجة هى فزلكه بمعنى ان فئه معينه هى اللى بتتفزلك
وان دى صورة خاطئه لدى ان كل المغاربه والتونسيين يطغى على لهجتهم الفرنسية
:)
وده موجود فى كل البلدان للاسف
:(

December 3, 2007 at 2:43 PM  

Majhoula said...

This comment has been removed by the author. December 3, 2007 at 2:57 PM  

امنية said...

تصادف انهارده اشتراكى فى منتدى مغربى صباحاً
تواجهنى فيه مشكله الفرنسية لأنى لم ادرسها من قبل لكن ليست عقبة انى انسحب من محاولة التقارب
الانترنت ده اختراع رهيب فعلا
ياريت العرب يستغلوه فى التقارب فيما بينهم
وزى ما بتقولى ميبقاش منتدى مغربى
منتدى مصرى
وكل منتدى بأعضائه فى قوقعه منغلقين على أنفسهم..!

December 3, 2007 at 3:12 PM  

أحمد عبد القوي said...

تدعو رابطة مدوني الفيوم جموع مدوني مصر والصحفيين والمنظمات الحقوقية للمشاركة في الوقفة التضامنية التي ستنظمها الرابطة ولجنة يالا نفضحهم
امن الدولة العليا بالتجمع الخامس. أمام مقر نيابة
وذلك يوم الاحد 9/12/ 2007 الساعة 11 صباحا
تضامنا مع المدون أحمد محسن ولاعلان التضامن أيضا مع كافة المعتقلين الشرفاء
للإستعلام
0120134420 عبد الرحمن فارس.
0107893296 أحمد عبد القوي

December 5, 2007 at 1:41 PM  

Unknown said...

السلام عليكم و رحمه الله
والله موضوع الفرانكو مش فزلكه ولا حاجه!‏
انا بكتب فرانكو من زمان وللأسف إتعودت عليها فعلاً و غصب عني عيني بتروح للحروف الإنجليزي ولازم اركز جامد عشان اكتب كلام عربي

عشان كده فكرت إزاي ممكن احل المشكله دي من غير ما أحفظ اماكن الحروف العربي وانسى العربي و الإنجليزي في الأخر
جربت المواقع اللي بتحول دي بس ممله جداً و مش عمليه افتح موقع و اعمل كوبي و بيست عشان اكتب إزيك!‏
عشان كده عملت عربك ‫:‫‫)‫
بختصار شديد عربك برنامج حيزود لغه جديده زي العربي و الإنجليزي في الكيبورد
لما تحول للغه دي وتكتب فرانكو ‫(‫في اي حته مش في برنامج او موقع معين‫)‫ حتلاقي الكلام المكتوب عربي 100% زي اللي انا كاتبو ده
انا كنت عامله ليا في الأول بس لقيت إن ممكن ناس كتير تستفيد منه
على العموم اللي يحب يعرف معلومات زياده و يجربه انا لسه عامل الموقع من كام يوم و يهمني اعرف رأي الناس
www.3arabik.com
ومستني ردكم

November 20, 2008 at 6:11 AM  

حازم النبراوي said...

الموضوع جميل جدااا

انا عامل موضوع بصوتى عن نفس المشكلة بمدونتى

اتمنى تسمعيه وتقوليى رايك فيه

تحياتى وتقديري

May 30, 2009 at 1:44 AM  

امنية said...

الأخ احمد
عليكم السلام ورحمه الله وبركاته

ماهو المشكلة
ان اكيد التعود على الكتابة بالحروف الانجليزية مجاش بين يوم وليلة..
اكيد أخد وقت

ايه المانع نحط وقت ونصبر علشان حفظ اماكن الحروف العربي ؟

وقدرتنا كبشر تسمح اننا نحفظ اماكن الاتنين بدون تداخل ..

مع احترامي لكم ولكل من يكتب بالفرانكو اراب

مش لاقيه مبرر غير ان يكون الجهاز مفيهوش عربي !

جزاكم الله خيـرا

May 30, 2009 at 9:04 PM  

امنية said...

الأخ حازم النبراوي

سمعت التسجيل الصوتي

لكن لم استطع لخطأ ما ..؟

الطرح موضوعي ولم تكن مبالغة بمقارنة الوضع بالاحتلال البريطاني والفرنسى

اول ما يبدأ به الاحتلال بعد محو التاريخ
القضاء على لغة الشعب ومن ثم القضاء على قوميته وانتماءه

وللاسف كثيرون لا يقدّرون الموضوع حق قدره

ربنا يستر والله..

جزاكم الله خير

تشرفت بمروركم

May 30, 2009 at 9:11 PM  

Post a Comment