salam 3licom wa rahma allah
hatkalem enharda 3an mawdo3 benarvzny
wa how alzahera beta3et alfranko arab!!
حقيقى بحس انى طفله لسه بتتعلم القراءه
بحس انى بقرأ حرف حرف
وبفتكر دايما مشهد مسرحيه لمارى منيب بتقول " انتى جايه إشتغلى ايه ؟؟
انا بجد نفسى اعرف تفسير لاستخدام الحروف الانجليزى فى الكلام باللغه العربيه
طبعا مش بتكلم عن الناس اللى جهازهم مش بيكتب عربى ومضطرين لاستخدام الحروف الانجليزى
انما اللى بينرفزنى الناس اللى عندها عربى وبرضو بتتكلم كده!
ولما اطلب انها تكتب بحروف عربى لسهولة القراءه يكون الرد
asli met3aweda akteb english
!!
طب اتعودتى ازاى؟
اكيد متولدتيش بتكتبى انجليزي بسرعه!
هل هو نوع من الفزلكه؟
ولا نوع من الكسوف من الحروف العربى؟؟
ولا ايه بالظبط
روشنه يعنى؟
بجد عايزه اعرف تفسير الظاهره دي
عمرى ما شوفت واحد انجليزي بيكتب بحروف عربى ولا هندى ولا صيني
كل لغه ليها حروفها
هتتكلم عربى يبقى حروف عربى
هتتكلم انجليزي يبقى حروف انجليزي
لكن متعملش لغه ولا هى عربى ولا هي انجليزي!!!
!!
hatkalem enharda 3an mawdo3 benarvzny
wa how alzahera beta3et alfranko arab!!
حقيقى بحس انى طفله لسه بتتعلم القراءه
بحس انى بقرأ حرف حرف
وبفتكر دايما مشهد مسرحيه لمارى منيب بتقول " انتى جايه إشتغلى ايه ؟؟
انا بجد نفسى اعرف تفسير لاستخدام الحروف الانجليزى فى الكلام باللغه العربيه
طبعا مش بتكلم عن الناس اللى جهازهم مش بيكتب عربى ومضطرين لاستخدام الحروف الانجليزى
انما اللى بينرفزنى الناس اللى عندها عربى وبرضو بتتكلم كده!
ولما اطلب انها تكتب بحروف عربى لسهولة القراءه يكون الرد
asli met3aweda akteb english
!!
طب اتعودتى ازاى؟
اكيد متولدتيش بتكتبى انجليزي بسرعه!
هل هو نوع من الفزلكه؟
ولا نوع من الكسوف من الحروف العربى؟؟
ولا ايه بالظبط
روشنه يعنى؟
بجد عايزه اعرف تفسير الظاهره دي
عمرى ما شوفت واحد انجليزي بيكتب بحروف عربى ولا هندى ولا صيني
كل لغه ليها حروفها
هتتكلم عربى يبقى حروف عربى
هتتكلم انجليزي يبقى حروف انجليزي
لكن متعملش لغه ولا هى عربى ولا هي انجليزي!!!
!!
33 comments:
اللى بيعمل كدة ساعات بلاقيله عذر
November 6, 2007 at 3:41 PMرغم انه بيخنقنى طبعا بمحاوله الفزلكه دى
لكن اللى بيخنقنى اكتر
اللى بيتكلم كدة
شوفت الاند بتاعة الموفى امبارح
حقيقى كنت سو ساد لانى مش كان عندى اماجن نفر ان الريليشن بين البطله والبطل تخلص سو ايزى كدة
الله يكرمك يا اخت امنيه خلينى ساكت
انا مش هربليى على التوبيك دة
افتكر انى لما اشتغلت فى الشركة عملولنا دورة فى تجارة عين شمس عن خدمه ما بعد البيع على اعتبار اننا مهندسين صيانه هنتعامل مع عملاء للشركه
November 6, 2007 at 3:50 PMالمهم انى فاكر كلمه للمحاضر قالها مرة عند التحذير من استخدام مصطلحات انجلش عمال على بطال وسط الكلام طالما المعنى بالعربى قريب لأن دة بيخلى اللى قدامك يبصلك بصه من اتنين
يا انت بتحاول تفهمه انك ابن ناس جدا والعربى دة بيئه
يا انت احسن منه بكتير
والاحساسين غلط خصوصا لو بتكلم مع حد مش عارف هيفهمنى ولا لأ
ودة كله فى الكلام اللى بيطلع تلقائى فما بالك لو كنت بتصنع
ربنا يهدى
سلام عليكم
November 6, 2007 at 5:23 PMحضرتك بتلاقيله عذر
ممكن تشاركنا بالعذر ده :(
ايه هو العذر لاستخدام حروف انجليزي فى كتابه العربى؟
وبالنسبه لموضوع كلمه عربى كلمه انجليزي
فى ناس دى طبيعه عندهم نظرا لدراستهم او البيئه اللى نشأوا فيها
دول مش بينرفزنونى
اللى بينرفزنى اللى بحس ان دى مش طبيعته ..يعنى بيتفزلك !
ربنا يهدي
انا مش عارفه العربى ماله!!
جزاك الله خير على مرورك
حاجه تنرفز فعلا
November 6, 2007 at 5:27 PMلو اللى قدامى مضطر عشان جهازه مافيهوش عربى مؤقتا ..ماشى
لكن يخنقنا بقى بالفرانكو اراب؟؟
لا بتخنق جدا
الكيبورد فيها الحروف عربى وانجليزى
متعود تكتب انجليزي يبقى انجليزى
مش تقلب العربى بحروف انجليزى
او اتعلم تكتب عربى على الكيبورد وريحنا
فى وقت من الاوقات
كنت عاوزة اتعلم اكتب انجليزى بسرعه
بقيت على الماسينجر اكتب فرانكو اراب
d:
بس انا نفسى كنت بتخنق
فمابال اللى بيقرا ؟؟
kalamek sahih ya radwa
November 6, 2007 at 8:58 PMlezalek ana hakhno2ek :P
nawarty al-blog :D
mabalash anaa d:
November 6, 2007 at 9:10 PMhatendamy
e7na 24 sa3a ma3 ba3d on line
D:
إنها الهزيمة النفسية وبأيدينا لا بأيديهم
November 7, 2007 at 1:16 AMجزاك الله خيرا
وعلينا دور أن ننوه في مناسبة بمناسبتها ولايقتصر الأمر على بوست على الكتابة بالعربية
الحمد لله أنا أتحدث الانجليزية جيدا أحد الأصدقاء رأى هاتفي المحمول يعمل بالعربي فتعجب جدا وقال هذا مستغرب منك وخاصة أنني أستخدم بعض الانجليزية في الكلام العادي لظروف العمل فكأن كل من يعرف الانجليزية عليه أن يهجر لغته هذا العار الذي ألصق به ويريد أن يتخلص منه
صحيح يا اخ عصفور المدينه
November 7, 2007 at 6:02 AMبحس احيانا انه فعلا كسوف من اللغه العربيه
سواء فى كتابه او كلام
فى ناس تصطنع فى حديثها وتحاول باى طريقه
انها تدخل الانجليزيه فى كلامها
كنوع من الرقى!!
وكأن العربيه تجلب العار !
عار عليهم والله
هجروا لغه القرآن..
3la fekra, elfranco bymathel culture mwgooda w mane2darsh nenkerha fe belada kolha
November 8, 2007 at 3:00 AMmomken tesameha elta3'reeb
bs fe3lan ana bakoon soo annoyed mn elly byektebo belshakl da.
ana msh met3wed akteb keda f ay makan .. laken ahow elman byet3allem (A)
جيتي على الجرح يا أمنية
November 8, 2007 at 9:44 AMنفس الإحساس والشعور لما بقرأ الفرانكو أرب
يا إما عربي يا إما انجليزي .. مفيش حاجة اسمها بين البينين
أنا عن نفسي إتعودت أتلكم بالطريقة دي
November 8, 2007 at 11:16 PMلأني الأول كنت بكتب لغة عربية لأني بحبها جداً وبكتب كلام صعب شوية أو بالفصحى
فقالولنا روشنة نتكلم إنجليزي
قولت كويس وإتكلمت إنجليزي محدش فهم وكان فيه كلام مش بيوصل برضه اللغة مش هتقدر توصل أوي زي العربي
طلعت الحركة بتاعت الإنجليزي المعرب ده
واتعلمتها هي لذيذة واٍسرع في طريقة الكتابة الصراحة ولأن لو مثلاً في كلام الواحد مش عارف معناه بالانجليزي أو من باب الفزلكة فعلاً فبيتكلموا كدة
لكن لما حد بيكلمني عربي بكلمه عربي ولو إنجليزي بكلمه إنجليزي ولو كدة يبقى كدة كدة
لكن عادي يعني مش قصة كبيرة اللي بيخنقني فعلاً اللي يقولي أصلي مش بعرف أتكلم غير كدة فعلاً هل اتولدوا كدة؟ ولا أمهاتهم أجنبية وأباؤهم مصرية؟؟ علشان كدة بيكتبوا عربي زي المكسر كدة بس ده مش مكسر ده مفرفت
مع أطيب تمنياتي تعرفي السبب فعلاً
تحياتي
لما جبت كاميرا جديدة عملت اللغة فيها عربى
November 10, 2007 at 5:22 PMمش عارفة لية حيت ان كول اصحابى فهموا انى مبفهمش انجليزى
حتى كمان الموبايل بتاعى بالعربى
نفسى اعرفهم انى والله جنت جايبة فى درجات نهائية فى القانوية العامة
هههههههههه
بصى ياامنية انا اكتر الناس الى بتكملمنى انجليزى معرب بيكونوا مش من مصر ومش بدايق منهم
لكن بتفرس لما بلاقى حد بيتكلمة اللغة دى وهوة ممكن يتكلم عربى علشان كدة مش بغير اللغة معاة بفضل اكتب بلغتى وهما بلغتهم
والى مدايق يغير
وانا مش هستسلم
***********
اقولك اية بس يامونى
اشتاق جدا للاكل معاكى
عبريييييينى
*****
السلام عليكم
November 13, 2007 at 10:27 PMانا بقى من اكثر الناس اللى بكتب فرانكو
و ممكن كمان اقرا مقالة طويلة مكتوبة بالفرانكو
طب ليه
الحقيقة لعدة اسباب
انا طالب فى هندسة يعنى معظم دراستى بالانجليزى....و بعمل تقارير بالانجليزى لدرجة انى بقيت محترف كتابه على الكيبور بالانجليزى
لكن لما اجى اكتب بالعربى بتبقى مشكلة علشان البطء
عشان كده بنجز بالفرانكو
و لعلمك معظم منتديات لدفعة هندسة بتبقى بالفرانكو
و ده السبب التانى اللى خالانى اكتب فرانكو فانا موجود فى المنتديات و بالتالى لازم اتعلم قراءة وكتابة الفرانكو
bas keda
3ala el 3amoom mawdoo3 el farako dah mesh kbeer awi la2enha beteb2a ma3a fatra mo3ayana
:D :D
باختصار هذه هى الهزيمة النفسية داخل قلوب العرب أرجو تكونى فهمتى الباقى ياأمنية
November 16, 2007 at 4:10 AMالسلام عليكم ورحمة الله وبركاته
November 16, 2007 at 11:37 AMموضوع كتابة العربي بحروف أنجليزية سببه ان بداية دخول النت وتعامل الناس معاه كانت معظم المواقع لا تملك أكواد حروف اللغة العربية فطبعاً الناس كانت بكتب أنجليزي غصباً والضعيف في اللغة بدأ يستخدم حروف اللغة الأنجليزية للتعبير , غير أن رسائل الموبيل ذاتها في نفس التوقيت كانت باللغة الأنجليزية فقط ايضاً وهو ما ساعد علي أنتشار الموضوع أكثر بين فئات أكثر لم تكن تستخدم الكومبيوتر كثيراً , مسألة السرعة ديه مسألة وقتية تستلزم بس نزع نبرة الأنهزام وأستبدالها بنبرة الأعتزاز
وجزاكم الله خيراً
الأخ عياش..
November 16, 2007 at 10:11 PMثقافه موجوده لكن مش المفروض تكون موجوده
يعنى الأسلوب ده فى الكتابه ولا العربى يعرف يقراه ولا الاجنبى يعرف يفهمه
بأى منطق يعنى نكتب عربى بالانجليزى!
انا احبذ ان اللى بيتحجج ان دراسته انجليزية انه يكتب كما تعلم
انجليزى بحروف انجليزى واحنا هنفهم منه
واللى ميفهمش انجليزى يكتبله عربى معلش يعصر على نفسه لمونه , ده لو عنده عربى فى الجهاز طبعا!
والمان بيتعلم :D
____
مها:
فى الغالب انا مش بكمل قراءه اصلا
نورتى :)
____
الاستاذ:
هى الروشنه دى اللى مبوظه احوالنا
نقلد الاجانب روشنه فى كل حاجه
حتى لو كان على حساب تنازلنا عن هويتنا العربية
!!
اللهم أصلح الاحوال
____
سوسو هانم:
فينك يا بنتى
وانا كمان وحشنى الاكل معاكى
خاصه الكريب :D
وموبيل الناس اللى جنبينا يتسرق
والله كان يوم رائع
فى انتظار الاجازه ان شاء الله علشان نشوفك
واظهرى ماسنجر يا بنتى
_____
الأخ محمد عبد السلام
مفيش مانع تكون الدراسه بالانجليزى
لكن مش عذر لان تكون دى كتابتنا الاصلية
لما اكتب عربى يبقى بحروف عربى
اكتب انجليزى بحروف انجليزى
انا حاسه ان محدش فاهمنى!!!!!
____
أخ وليد:
هزيمه نفسيه وللاسف خجل او شعور بالعار من العربية !
اللهم أًصلح الاحوال
____
الأخ بينو:
اعتقد ان الانترنت ظهر فى التسعينات
يعنى بقاله كتير ومن فتره طويله متاح العربية فيه
يعنى اعتقد ان الفتره كافية لإجادة كتابه العربية على الجهاز
وعلى فكره انا بكتب عربى بسرعه رغم انى بدأت تعامل من سنه ونص تقريبا!
وأجادتها فى فتره قصيره نتيجه انى بكتب كتير ..
فعلا
اللى عايز يجيد الكتابه بالعربية هيجيدها
الا بقى لو هو مكسوف او حاسس ان الانجليزية هى الروشنه!!
جزاكم الله خير
انا فاهم قصد حضرتك
November 18, 2007 at 3:59 PMبس الموضوع -حسب راى الشخصى- مجرد ظاهرة مؤقتة فى حالة معينة
ممكن بعض الناس واخداها روشنة فعلا
بس مش معظمهم
لو لاحظتى ان تقريبا كل الناس اللى بتكتب فرانكو مجرد طلبه فى الكلية
و صعب الاقى حد متخرج بكتب فرانكو ككتابة اساسية لانه بمنتهى البساطة بيبقى عنده مسئوليات وتخليه يبعد عن الفرانكو
اما اتكلمت عن دراستى حبيت اوضح اننا مع بعض كطلبه بنكتب الفرانكو لاسباب انا و ضحتها سابقا ..لكن لازم نفهم ان الفرانكو مش الكنابة الاساسية لينا
و اكبر دليل على كده انى بكتب عربى عادى جدا
وكمان عامل مدونة مفيهوش فرانكو خالص
عموما جزاك الله كل خير على اهتمامك باللغة العربية..و كثر الله من امثال خضرتك
leehkeda.blogspot.com
لغتنا الجميلة
November 19, 2007 at 12:09 AMلابد لنا ان نعود انفسناعلى استخدام لغة القرآن الكريم لغة الوحي اللغة العربية التي ننتمي لها
وملهاش لزمة الفزلكة
ولو حضراتكم عاوزين تعرفوا اخر انجازات السيد رئيس الوزراء احمد نظيف يسعدنا زيارتكم في مدونة ميخا
أعتقد إن اللغة دي ظهرت مع ظهور مواقع التشات
November 20, 2007 at 7:57 PMلأنها كانت في الأساس باللغة الإنجليزية
ظبعا العرب مش هيوقفهم حاجة زي دي
:D
كان لازم يشاركوا ويثبتوا وجودهم
فابتكروا لغة الفرانكو آراب
بس الغريب إن المواقع دي اعتمدت اللغة العربية ولسه الناس بتتكلم بالفرانكو آراب
يمكن نسيوا العربي :)
فعلا حاجه تنرفز
November 22, 2007 at 8:58 AMيعنى لو بتتكلم بالطريقه دى علشان تحسن اللغه ماشى
لكن تعمل كده علشان تستعرض اويبقى واد ابن ناس
اسمحولى بقى ده معقد
وبعدين العربيه هى لغه القران
مين ده اللى يتكبر عليها
لا لالالالالالا
سؤالى هو مين ده اللى يقدر عليها اصلا
الأخ محمد عبد السلام.
December 3, 2007 at 8:48 AMانا لم اقصد حضرتك بالذات
ويارب تكون ظاهره مؤقته فعلاً
جزاك الله خير
______
الأخ الجمعاوى الأصيل:
للأسف انحصر استخدام اللغة العربية فى نقاط معينة!
ليتها تعود والله
______
طعمة الطعمة:
منورة
هما اظاهر نسيوا العربى فعلا
ربنا يستر
______
عاشقة الفردوس:
هى فزلكة قلبت بتعود
او يمكن الحروف العربى تكسف!!
ربنا يهدي
نورتى :)
______
الأخ المغربى
عليكم السلام
أهلا بحضرتك
المغرب وتونس خاصه حاله خاصه
نظرا للاحتلال اللى مازل مؤثر عليهم
بس المغرب بالذات
بحس ان معندهمش عربى
لهجتهم عبارة عن خليط من الفرنسى وحاجه تانية وبعض كلمات عربية
اتعاملت معاهم نظرا ان زوجة خالى مغربية وأولادها بيتكلموا مغربى طبعا
حاولوا تستخدموا العربية فعلا حتى فى الماسنجر
آثار الإحتلال لازم تبدأ تتمحى
وأولها عن طريق اللغة :)
جزاك الله خير على مرورك
انا آسفه لظنى أنك شاب
December 3, 2007 at 2:09 PMولا أقصد بكل تأكيد التشكيك فى عروبتكم
لكن من تعاملى مع اولاد خالى وجدت ان من الصعوبة فهم الكلمات
اولا لجهلى للفرنسية
وإختلاف اللهجة
وده مع اى دولة عربية انا مثلا لا افهم لهجة التوانسة الا بتركيز شديد
وسرعه الكلام زى ما قولتى بسبب تسكين الحروف
وده اظن سببه ان مفيش ثقافه بتوصلنا ومش بنسمع اللهجة لذلك مش سهل نفهمها!
وعلى فكره بحب جدا اسمع اللغة العربية من المغاربة
انا آسفه لو كنت ضايقتك بكلامى لكن والله دون قصد
تقبلى اعتذارى
:)
ويسعدنى لو نتواصل
طب الحمد لله
December 3, 2007 at 2:43 PMكنت هتضايق والله لو زعلتى منى
بصى عامه هقولهالك بصراحه
المصريين مش منفتحين اوى على الدول العربية
يعنى قليل ما تلاقى حد متابع مسلسل سورى
او سعودى
كده
انما الدول العربية اعتقد بلا استثناء نظرا لانتشار الافلام والمسلسلات المصرية فعرفوا ثقافتنا ولهجتنا
وده ظلم لينا
احنا كمان عايزين نتشارك معكم ونعرف ثقافتهم
تعرفى انا نفسى اروح معسكر فيه عرب من كل الدول
ونتعرف ونتبادل ثقافات ولهجات
هيبقى اروع تعارف والله
__
انا لم اقصد استمرار الاحتلال
اقصد اثاره
بمعنى الكلمات الفرنسية سواء فى تونس او المغرب دى من بقايا آثار الاحتلال اللى كان بيحاول يمحى عروبه الدولة
والحمد لله فشل لكن تبقى بعض الآثار البسيطه
بس كويس انى عرفت منك ان الإكثار من استخدام الفرنسيه فى اللهجة هى فزلكه بمعنى ان فئه معينه هى اللى بتتفزلك
وان دى صورة خاطئه لدى ان كل المغاربه والتونسيين يطغى على لهجتهم الفرنسية
:)
وده موجود فى كل البلدان للاسف
:(
تصادف انهارده اشتراكى فى منتدى مغربى صباحاً
December 3, 2007 at 3:12 PMتواجهنى فيه مشكله الفرنسية لأنى لم ادرسها من قبل لكن ليست عقبة انى انسحب من محاولة التقارب
الانترنت ده اختراع رهيب فعلا
ياريت العرب يستغلوه فى التقارب فيما بينهم
وزى ما بتقولى ميبقاش منتدى مغربى
منتدى مصرى
وكل منتدى بأعضائه فى قوقعه منغلقين على أنفسهم..!
تدعو رابطة مدوني الفيوم جموع مدوني مصر والصحفيين والمنظمات الحقوقية للمشاركة في الوقفة التضامنية التي ستنظمها الرابطة ولجنة يالا نفضحهم
December 5, 2007 at 1:41 PMامن الدولة العليا بالتجمع الخامس. أمام مقر نيابة
وذلك يوم الاحد 9/12/ 2007 الساعة 11 صباحا
تضامنا مع المدون أحمد محسن ولاعلان التضامن أيضا مع كافة المعتقلين الشرفاء
للإستعلام
0120134420 عبد الرحمن فارس.
0107893296 أحمد عبد القوي
السلام عليكم و رحمه الله
November 20, 2008 at 6:11 AMوالله موضوع الفرانكو مش فزلكه ولا حاجه!
انا بكتب فرانكو من زمان وللأسف إتعودت عليها فعلاً و غصب عني عيني بتروح للحروف الإنجليزي ولازم اركز جامد عشان اكتب كلام عربي
عشان كده فكرت إزاي ممكن احل المشكله دي من غير ما أحفظ اماكن الحروف العربي وانسى العربي و الإنجليزي في الأخر
جربت المواقع اللي بتحول دي بس ممله جداً و مش عمليه افتح موقع و اعمل كوبي و بيست عشان اكتب إزيك!
عشان كده عملت عربك :)
بختصار شديد عربك برنامج حيزود لغه جديده زي العربي و الإنجليزي في الكيبورد
لما تحول للغه دي وتكتب فرانكو (في اي حته مش في برنامج او موقع معين) حتلاقي الكلام المكتوب عربي 100% زي اللي انا كاتبو ده
انا كنت عامله ليا في الأول بس لقيت إن ممكن ناس كتير تستفيد منه
على العموم اللي يحب يعرف معلومات زياده و يجربه انا لسه عامل الموقع من كام يوم و يهمني اعرف رأي الناس
www.3arabik.com
ومستني ردكم
الموضوع جميل جدااا
May 30, 2009 at 1:44 AMانا عامل موضوع بصوتى عن نفس المشكلة بمدونتى
اتمنى تسمعيه وتقوليى رايك فيه
تحياتى وتقديري
الأخ احمد
May 30, 2009 at 9:04 PMعليكم السلام ورحمه الله وبركاته
ماهو المشكلة
ان اكيد التعود على الكتابة بالحروف الانجليزية مجاش بين يوم وليلة..
اكيد أخد وقت
ايه المانع نحط وقت ونصبر علشان حفظ اماكن الحروف العربي ؟
وقدرتنا كبشر تسمح اننا نحفظ اماكن الاتنين بدون تداخل ..
مع احترامي لكم ولكل من يكتب بالفرانكو اراب
مش لاقيه مبرر غير ان يكون الجهاز مفيهوش عربي !
جزاكم الله خيـرا
الأخ حازم النبراوي
May 30, 2009 at 9:11 PMسمعت التسجيل الصوتي
لكن لم استطع لخطأ ما ..؟
الطرح موضوعي ولم تكن مبالغة بمقارنة الوضع بالاحتلال البريطاني والفرنسى
اول ما يبدأ به الاحتلال بعد محو التاريخ
القضاء على لغة الشعب ومن ثم القضاء على قوميته وانتماءه
وللاسف كثيرون لا يقدّرون الموضوع حق قدره
ربنا يستر والله..
جزاكم الله خير
تشرفت بمروركم
Post a Comment