مشهـد من زمن ماضى..مستمر
لما العراقيين بدأوا يثوروا ضد الوجود البريطاني خاصة بعد إعلان الانتداب البريطاني
بريطانيا عملت ايه ..؟
أرسلت المندوب برسي كوكس علشان يحاول تهدئة الأمور ويمتص غضب الشعب
شوفوا بقى المندوب هدأها ازاي
سوسة والله
راح لطبقة الأعيان
"اللى ليهم مصالح مشتركة مع بريطانيا "
وبدأ يتكلم عن الدستور العراقي
وبعدها عبر عن رغبته فى أن يكون فى حكومة عراقيـة
طب ايه رأيكم يا أعيان؟؟
وطبعا..تكونت الحكومة من طبقة الأعيان
يعنى الحكومة بقت جيبة
وبدأ العراقيين بنفسهم تهدئة الأوضاع
هما يخلصوا على بعض بقى مش مهم
سبحـان الله
نفس الصورة بس بملامح تانية بتتكرر دلوقتي
والعـرب للأسف ..بيلدغوا من نفس الجحر مرات ومرات
4 comments:
سبحان الله ..
April 26, 2009 at 11:20 AMنفس الكلام بيتكرر فعلا ..
سياسة غريبة فعلا وكلها بتعتمد من الباطن على مبدأ فرق تسد ..
حسبنا الله ونعم الوكيل ..
ربنا ينجحك يامنمن دنيا واخرة وتخرجى بالتقدير اللى نفسك فيه ..
وحشتينى ..
دمتِ بخير ..
لجيـن
April 27, 2009 at 9:51 PMصدقتِ والله
الأغرب اننا كعرب بنقع فى نفس الموضوع كل مرة
للأسف..
ربنا يكرمك يا لوجي
وانتِ كمان وحشتيني جدا
أسعدنى مرورك
:)
زمخشري باشا
April 29, 2009 at 7:57 PMوحشني يا منفضلي
بس اقول ايه مهما زعلت مبعرفش ازعل منك
خلينا في الزاكره شويه ياعم التاريخ جمب محمد علي باشا والمندوب السامي
بالنسبه للمواقف التاريخيه فانا اتعلمت حاجه جميله اوي في التاريخ وهي
ان التاريخ بيعيد نفسه
علي الرغم اننا بندرسه وعارفينه كويس وممكن وبنطلع منه بدروس وعظات
الا اننا بنقع في نفس الغلطات
مش احنا احنا يعني قصدي اللي في ايدهم الامور
زمان كان فيه حاكم ومحكوم ومستعمر ووسطاء ومصالح
انهارده في نفس المعطيات ولكن طريقة التعاطي هي اللي اختلفت ولما اختلفت ادتنا ايحاء بان الامور مختلفه وان التاريخ مش بيكرر نفسه ولا حاجه لان الزمن غير الزمن والظروف غير الظروف
لكن اذا جردنا الامور من ظاهرها الحالي هنلاقي نفس المعطيات بنفس التجارب والنتايج
يمكن ماشينا علي مبدا : التكرار يعلم الــــ ......
هو مفيش مسابقه تانيه ولا ايه ^_^
سيبك من التاريخ
May 9, 2009 at 7:19 PMومن العرب
مستكه فى المدونة عندى !
منورة يا بنتي والله
وبالنسبة للتاريخ بيعيد نفسه
للأسف
لأن كل عصر فيه المنافق والعميل والخائن
وكل عصر فيه شعب راضى بالظلم وساكت
هو ده بجد السبب الحقيقى
ربنا يصلح الأحوال
Post a Comment