نويت أصلي بكرة !




بتقول كسلت تصلي؟

الله
اللي خلقك .. اللي انعم عليك بنعم انت مش حاسس بيها
إسلامك نعمة
سمعك للآذان نعمة
قدرتك على الركوع نعمة
قدرتك ان جبهتك تلمس الأرض نعمة
وغيرها ..
تخيل ان في ناس بتسخر حياتها لبقر!
وبتعبدها من قلبها
ومبتكسلش انها تركع للبقرة كل ما تعدي من قدامها
ما بالك وانت عارف ان الله هو الحق
وان هو المستحق للعبادة

؟؟

كتير اننا نشكر الله بالصلاة ؟؟
ومتقلش بشكره بلساني
اشكره بأنك تنفذ كلامه
نص ساعة في اليوم صلاة كتيرعلى ربنا؟؟
وخلي في اعتبارك ان ربنا مش هيستفيد حاجة بصلاتك
انت اللي هتستفيد
ولو قصرت
صدقني والله انت الخسران
انت اللي هتتحرم من الجنة
تخيل لما تحط نفسك في مكان العلماء اختلفوا فيه ان كان تارك الصلاة كافر ولا مسلم
ليه ؟؟
ليه تختار ان ربنا ينظر لك بعين الغضب يوم القيامة
ليه تختار ان لما ربنا يسأل النار هل امتلأت , والنار تقول هل من مزيد
تكون انت المزيد
متخيل؟
يوم يكشف عن ساق ويدعون إلى السجود فلا يستطيعون خاشعة ابصارهم ترهقهم ذله وقد كانو يدعون إلى السجود وهم سالمون .. سورة القلم

انت المقصود في الآية
انت اللي ربنا دعاك للسجود والصلاة وانت قادر في الدنيا
واخترت انك متصليش
انت اللي اعتبرت ان ماتش الكورة حجة
انت اللي اعتبرت ان قعادك على النت حجة
انت اللي اعتبرت ان ممكن يكون في حجج لترك الصلاة
لكن خليك صادق مع نفسك
في حجة انك تترك الصلاة ؟


.
.
بجد عيب ..

الله له حق علينا حق اننا نعبده ..

كما أراد هو أن نعبده

والحق ده لازم نوفيه

إما هنصليه في الدنيا وننعم في الآخرة

أو هنختار العكس نريح نفسنا في الدنيا من الصلاة ونختار النار في الآخرة !

بالله عليك اخترت صح ؟؟ . .

راجعت نفسك ؟
اخترت تصلي ؟

يبقى انت بقيت المقصود في الآية
إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً (70) وَمَن تَابَ وَعَمِلَ صَالِحاً فَإِنَّهُ يَتُوبُ إِلَى اللَّهِ مَتَاباً ... الفرقان

:)



3 comments:

ربِ اجعلني مقيم الصلاة ومن ذريتي

أحاول أن ألزم هذا الدعاء

عموما يا أمنية

الشيطان بيضحك على عقول الناس كتير

لسه واحدة دكتورة في ألمانيا كانت بتصلي زمان

بس دلوقت لاء

بنسألها ليه

قالت هو الصلاة هتغير ايه جوايا أو في حياتي

أنا ناجحة ولو كنت غلط ما كنتش نجحت كدا

رديت عليها

أنتِ لا تشعرين بالسعادة

والرضا

ولن تشعرين بها لإن هنا احتياج روحاني

كالأكل والشرب لأن الله خلق داخلك هذا الاحتياج

قالت وأصحاب الملايين الناجحين ومنهم لا يصلي

قلت لها

لذا يسرقون الملايين أيضا من البنوك

فمفهوم "الرضا" ليس عندهم

ولن يرضوا إلا بإشباع الإحتياج الروحاني

وذلك لن يتحقق إلا بالصلاة

أتعلمين أمنية

وليست أي صلاة أيضا

بل كلما زاد خشوعها

كلما كانت "تشبع" أكثر


أثابكِ الله على هذا الموضوع

ورزقكِ الحكمة

وزادكِ بهاءا وأدبا :)

February 23, 2010 at 9:05 AM  
Anonymous said...

ربنا يفتح عليكى يا أمنية
و فعلا زى ما دكتورة هبة بتقول
الخشوع فى الصلاة
بادعى دايما ان ربنا يعينى عليه
باحس انه جهاد كبير انك تقفى تصلى
و ترمى فعلا الدنيا ورا ظهرك
يا ريت نوت حلوة زى دى عن الخشوع يا أمنية

February 26, 2010 at 4:48 PM  
امنية said...

د.هبة النـيل :

يــاه ..
سبحان الله
والله اننا ندعي ان الله يثبتنا على طاعته هو القوة اللي هتعينا

منكم اتعلم معاني غفلت عنها
في ميزان حسناتك يا \.هبة

منورة :)

==

يقين :
ربنا يكرمك

إن شاء الله احاول
لي قبل ما يكون النوت للناس
ربنا يرزقنا الاخلاص

منورة يا يقين والله :)

February 28, 2010 at 4:52 PM