فى بلد ما
على كوكب ما برضو
على كوكب ما برضو
اتولدت
المهم عشت طفولتى سعيده الحمد لله
كل اللى ممكن يبسط طفل كان متوفر لى ولله الحمد
بعيدا عن حلمى الطفولى انى اركب طيارة واروح ديزنى لاند
لسه متحققوش لغايه دلوقتى
(دخلت المدرسه وابتديت سكه اللى يروح ما يرجعش (يمعنى يعود مش المعنى التانى
كنت فى الاول قايمه بدور المستقبل
بستقبل المعلومات وفقط
لغايه ما وصلت لانى استقبل وارسل
اتناقش يعنى
كانت اول مره فى اعدادى
وكنت سعيده جدا لان المدرسه كانت غلطانه
طبعا الاعتراف بالحق فضيله بس المدرسه دى كانت سوسن مش فضيله فمعترفتش
دخلت الثانويه
عكس ما كنت بسمع
عقدونى وخوفونى منها من قبل ما ادخلها
هو الشعب المصرى بيحب يبالغ فى كل حاجه
خمسين الف واحده تقولى انها اصعب مرحله
مش بحب المباالغه ابدا
فعلا كانوا الذ سنتين فى مراحل دراستى
ماهو انا كده كده هذاكر
فخليها مذاكره بنفس بقى
كان كل الحوار بينى وبين اهلى
ذاكرى كويس علشان تجيبى مجموع وتختارى الكليه اللى انتى عيزاها وانتى حاطه رجل على رجل
:D
المهم عشت طفولتى سعيده الحمد لله
كل اللى ممكن يبسط طفل كان متوفر لى ولله الحمد
بعيدا عن حلمى الطفولى انى اركب طيارة واروح ديزنى لاند
لسه متحققوش لغايه دلوقتى
(دخلت المدرسه وابتديت سكه اللى يروح ما يرجعش (يمعنى يعود مش المعنى التانى
كنت فى الاول قايمه بدور المستقبل
بستقبل المعلومات وفقط
لغايه ما وصلت لانى استقبل وارسل
اتناقش يعنى
كانت اول مره فى اعدادى
وكنت سعيده جدا لان المدرسه كانت غلطانه
طبعا الاعتراف بالحق فضيله بس المدرسه دى كانت سوسن مش فضيله فمعترفتش
دخلت الثانويه
عكس ما كنت بسمع
عقدونى وخوفونى منها من قبل ما ادخلها
هو الشعب المصرى بيحب يبالغ فى كل حاجه
خمسين الف واحده تقولى انها اصعب مرحله
مش بحب المباالغه ابدا
فعلا كانوا الذ سنتين فى مراحل دراستى
ماهو انا كده كده هذاكر
فخليها مذاكره بنفس بقى
كان كل الحوار بينى وبين اهلى
ذاكرى كويس علشان تجيبى مجموع وتختارى الكليه اللى انتى عيزاها وانتى حاطه رجل على رجل
:D
وحطيت رجل على رجل واختارت الكلية
خلاص بقى
محدش يقولى ذاكرى تانى
تحول الحوار بقى ذاكرى علشان تتعينى فى الكليه
يا ماما انا مش عايزه اشتغل اصلا
ولو اشتغلت مش حابه اشتغل فى الجامعه!
هذاكر لنفسى
اوك؟
خلاص يا بنتى براحتك
وخلصت من كلمه " ذاكرى" اللى بسمعها من وانا فى كى جى
فاااااصل
مش عارفه اصلا ليه انا بكتب البوست ده
بس حابه اتكلم بقى
واكتب قصه حياتى الى لا تتعدى عقدين
والعقد لمن لا يعرف هو فتره 10 سنوات
اى خدمه
نواااااصل
نرجع لمشوار حياتى القصير
دخلت الكلية اللى عايزاها ورجلى على رجل
بس تحول الوضع ان رجلى اتشالت من على التانية واتحطت فوق رقبتى
الدكاتره ماشيين بنظام
" انا الدكتور واعمل اللى عايزه"
فكرونى بفيلم ليون كينج
لما سكار قال لسرابى
" انا الحاكم اعمل اللى عايزة"
فكرونى بحد تانى برضو مش هقول عليه بقى
اطلقوا لمخيلتكم العناااااااااان
نرجع لموضوعنا
لما اسرح بخيالى وافكر
مااذا بعد التعليم؟
بعد 17 سنه تعليم
يااااااااه
اول مره اخد بالى من المده
وسبحان الله
اللى يشوف حال الخريجين كفكر وتعليم
يقول دول معاهم اعداديه
طالبه اعرفها بيقولولها ايه اصلاحات الحاكم بأمر الله الاجتماعيه
تقولهم حرّم الملوخيه والترمس وام الخلول
اه والله
اصل بيقولوا الترمس كان سبب تأخر سن الزواج
وام الخلول هى اللى مسلطاه
ولا درجه غليان الميه التى تقدّر ب20 درجه مئويه
واحد فى تالته اعدادى اكتشف كده
وال احنا فاكرينا 100 درجه مئويه
هل فعلا نظام التعليم ده يطلع علماء وادباء
بالمناسبه
العقاد كان معاه الابتدائيه
مكملش تعليمه
اكيد ده السبب اللى خلاه الاديب عباس محمود العقاد
:D
مش عارفه ايه الهدف من البوست ده بجد
نورتم
وعذرا لوجع الدماغ
وعذرا لوجع الدماغ
13 comments:
امنيه
May 22, 2007 at 2:28 AMهقولك جمله واحده
بلدنا بلد شهادات
الله المستعان
واه تعليماااااه
May 22, 2007 at 2:37 AMوانتي مين قالك تدرسي ..
May 22, 2007 at 2:53 AMاتجوزي واقعدي في البيت .. :d
:d
May 22, 2007 at 3:10 AMويبقى ولا الواحد اتعلم ولا اتجوز
:d انا ضامنه التعليم بس
اةةةةة قولي كده بقا .. حلو اوي النيو لوك بتاعك :)
May 22, 2007 at 9:05 AMمبروك اسم المدونة، بجد مفتكس..مية %
May 22, 2007 at 4:46 PM:D
سانيا بأه (سانيا دي متطلبات المرحرة التعليمية) انتي عارفة انو الحاكم بأمر الله كان أمر بتوجيهاته الرشيدة لأجل صالح الشِعب!..بس صالح كان طماع وعايز علاوة!!
طبعا الملوخية لأنو الحاكم كان مغالي في التشيع، وكان معاوية بن أبي سفيان بيحب الملوخية..ده العهدة على د.محمد عمارة، وام الخلول لأنه الأطباء قالوا له انها بتعمل دود في البطن، راجعي كتاب "هندما أصبحت مصر عربية إسلامية" هتلاقيله لينك في صفحة مختارات من سوق الكتاب في مدونتي :D
انا باكتب ده ليه؟..برضو مش عارف :D
:D
May 22, 2007 at 9:15 PMالله يبارك فيك:)
بعيدا عن اسباب الحاكم فى منع الملوخيه وام الخلول
هل دى الاصلاحات الاجتماعيه:D
طب خدوا دى كمان
بنت فى تالته ابتدائى ماماتها بتقولها ماذا تصنع الفلاحه من اللبن؟
قالتلها العجوة من البلح!!
ههههههه
ده لان اسلوب التعليم يعتمد على الصم ثم الحفظ ثم بعد كده الفهم
وااااه ت تعليمااااه
انتى الى وجعتى دماغى يا امنيه
May 22, 2007 at 9:29 PMقومى يابنت ذاكرى عندك امتحان بكررررررررررررررة
هو امتحانك اتأجل ولاا يه يا اسماء؟
May 22, 2007 at 9:50 PM:D:D
مشكله التعليم فى مصر ان مفيش تعليم
May 23, 2007 at 4:44 PMتصدقو ان الكفل المصرى نسبه ذكائه عاليه
بس نعمل ايه فى التعليم الى بيجيب كل الناس ورا
بيعودهم من الصغر على ان تحفظ تخش تدش
تنجح وتجيب مجموع
غير كده ابقى قابلنى
يعنى عندكو منهج الثانوى العام
المواد الى بيخدوها عاوز اعرف فيه ماده ممكن تفيدهم فى حياتهم العمليه
حتى لما بيطلعو كليه بيبقى الاغلبيه اتمسح من الدماغ
الضغط بيخلى حاجات كتيره كانها مش موجوده
وسلملى على التعليم
:d
نظام التعليم المصرى
May 23, 2007 at 10:08 PMاحفظ احفظ احفظ
ادلق فى الامتحان
انسى اللى حفظته بقى
وطبعا الطلبه اتعودت على الحفظ
الا بقى اللى حابين القراءه
يا بنتى تعليم ايه بس...
May 25, 2007 at 11:11 AMبلا تعليم بلا بتاع خلونا كده جهله طول حياتنا....
و الله مافيش احلى من الجهل على الاقل هيبقى مرفوع عنك القلم فى حاجات كتيييييييييير.....
انا مره ابن اختى "هو فى اولى حضانه"و كان فى امتحان عربى ....
المهم هو المفروض انه يجيله رسمه و هو يقول اول حرف منها و اسمها....
فجتله صوره ورده,فالمفروض يقول "ز" زهره
راح كتب لهم f flower
سبحان الله الولد مثقف يا شيخه.....
جابولوه ازدواج...
حسبى الله و نعم الوكيل فيهم....
خلونا احسن فى السليم و نقعد فى بيوتنا معززين مكرمين....
و لو حبينا نتجوز نبقى نتجوز.....
:D
May 25, 2007 at 11:50 AMالنقطه دى بتكلم فيها كتير مع ماما
بنات خالتى بيعلموا ولادهم مثلا
nose
orange
فين ( النوز ) يا فريده
!!!!
الموضوع بيبدأ من التربيه فى الاول
مدارس لغات
اوكى لكن مش معناها انها تتدخل فى لغتنا!
Post a Comment