هانغير المحطه.....والشبكه كمان
سلام عليكم ورحمه الله وبركاته
مش بفلوسنا يا سويرس
حمله يقوم بها موقع قاطع ضد نجيب سويرس صاحب شركه موبينيل
ايه السبب؟
السبب هو القناه الجديده للى عملها سويرس
Otv
القناه بتعرض افلام بدون تشفيرولا حذف للمشاهد المخالفه للاسلام والادب
المشكله الاكبر انها قناه بدون اشتراكات
يعنى ممكن اى حد بيحول فى المحطات يشوفها
كنت بقلب مرة واستوقفنى برنامج عن الطبخ
وجه فاصل اعلانى
انا اتصدمت من الاعلان عن القناه اصلا!!
من ساعتها مش بجيبها
بلا طبخ بلا بتاع
المشكله كمان ان اكيد مكاسب شركه موبينيل بتستخدم فى الصرف على القناه دى
يعنى بفلوسنا بنعرض افلام ومشاهد غير لائقه لاولادنا وشباب مصر والعالم العربى
استغفر الله
من يومين جبت خط فودافون بدلا من موبينيل
( واحب انتهزها فرصه واقول للبنات ابقوا اسألوا عليه علشان مش عارفه اقولكم ازاى كلكم انا لسه شغاله بالقديم لغايه ما اعرفكم:D )
عايزين ايجابيه يا جماعه
وبقى عندنا اختيارين لو مش عاجب فودافون فى اتصالات
وهتلاقوا لينك موقع قاطع على المدونه موجود ان شاء الله
17 comments:
أنا أصلا عندي خط موبينيل بس مش باستخدمه لانها شبكة تعبانة
June 16, 2007 at 1:11 PMو بالنسبة للقناة صراحة مشفتهاش و مش متابعها بس سمعت عنها و عن الكلام اللي بتقوليها و بعثنا لأعضاء مجلس الشعب بخصوص الموضوع ده
و ربنا يقدم اللي فيه الخير
لان الناس دي هدفهم نشر الانحلال
و بالنسبة لتليفونك ممكن تعملي رسالة و تبعتيها لكل اللي عندك برقمك الجديد
و لو معندكيش رصيد
في برنامج مجاني لارسال عشر رسايل يوميا
ممكن تشوفيه من هنا
http://www.arabvolunteering.org/corner/showthread.php?t=2210
او هنا
http://orsozox.com/forums/showthread.php?t=163
تحياتي لكي
هو الحق يقال بالنسبه لى الشبكه مكانش فيها مشاكل غير انى ساعات اما اتصل بحد اسمع صدى صوتى ومسمعوش
June 16, 2007 at 7:36 PM:D
انما القناه بصراحه لا اخلاقيه وهدفنا من تلك الحمله ارغام سويرس على تحويل مسار القناه عن ما هى عليه
الله المتسعان
وجزاك الله خير لى اللينكات لكني افضل عدم استخدام النت ووضع ارقام ناس عليه
موضوع غير مطمئن بالنسبه لى
لكن جزاك الله خير على اهتمامك
:)
مونى قناة otv
June 16, 2007 at 7:36 PMمن زمن وهى كدةكان عندى مشكلة انى مش بتفرج عليها وكان المفروض عرف رأى الشباب الجامعى عنها فى تقرير
وبالطبع عملت معجزة علشان اتفرج عليها
بصراحة لوقت الى قعت فية مش كان فيها حاجة
كان برنامج شبابى كدة ملوش لازمة
لكن لما نزلت وسالت
كانت هذا هو الصدمة
ناس كتير جد مرتبطين بيها وبكل البرمج الى عليها ومتابعين جدا
وبردوا مفهمتش الا بعد فترة
بصراحة كرهت نفسى انى كنت بسال الناس عليها
وطلعت ولا اعرف اى شىء
............
مونى انتى الى رنيتى عليا ولا اية
لا يامونى الموضوع مطمئن
June 16, 2007 at 7:38 PMانا استخدمتة قبل كدة
بس مش رضى يبعت اكتر من 5 رسائل
جربى كدة عندك يمكن ينفع
وقولىلى الاخبار
هنقاطع
June 17, 2007 at 5:51 AMطلع مشارك فى المصرى اليوم برضو!!!!
معقول المكلام ده حقيقى
هنقاطع ايه ولا يه بس
منهم لله
سلام عليكم
June 17, 2007 at 4:31 PMعندك حق يا أمنية
ده ساويرس ده من أغنى أغنياء العالم أجمع
وفى الآخر يقولوا المسيحيين مضطهدين
ده هم اللى مستوليين على البلد
بل وبيخربوها زى ماقولتى على القناة
حسبنا الله ونعم الوكيل
وان شاء الله هنقاطع الشبكة دى
الحمد لله انا عندي خط فودافون من زمان
June 19, 2007 at 8:52 AMوعلى فكرة انا شفت القناة
بس ماشفتش اللي قلتي عليه
يمكن علشان مش بسهر عليها
في حلقة العاشرة مساء لما استضافت منى الشاذلي
نجيب سويرس قالتله على الانتقادات الموجه للقناه
فرد انا لا اسمح بذلك ان وجد وللقناة ادارة مستقلة
وبعدين الافلام دي ان وجدت بتكون افلام منتصف الليل
يعني للكبار فقط
مش عارف يعني كده بقت حلال ولا ايه
على العموم انا معاكي في حملة المقاطعة
وشكرا على التنويه
جعلها الله في ميزان حسناتك
تحياتي
ملاحظة:
June 19, 2007 at 8:55 AMلتكن حملة المقاطعة لحاجة واحدة
لان مش ممكن هنقدر على واحد تقدر ثروته
ب ١٠ مليار دولار
عنده موبينيل وعراقنا للاتصالات
و otv وقناة بين الرافدين
دا غير مشاريع تانية زي نايت كلوب
وحاجات صغيرة بكام مليون
ياريت نركز في حاجة علشان تجيب مفعول
تحياتي
انا عن نفسى بقاطع كدة كدة
June 24, 2007 at 6:37 AMمش بحب شركه ام نبيل خالص
انا معايا خط فوده
شغال معايا تمام
وبفكر فى اتصالات
شكر يا اخت امنيه على الموضوع
وجعله ان شاء الله فى ميزان حسناتك
معلش على التأخير بس كان عندى مشكله فى المدونه ومش عارفه اشوف ردود ولا افتح بوست جديد ولا أى حاجه
June 24, 2007 at 10:17 AM________
سوسو :
واحشانى اوى ومش عارفه اوصلك الارقام ضاعت منى :(
_________
فكرة:
الله المستعان
ربنا يقدرنا
جزاكى الله خيرا
__________
هند عبد الفتاح:
انتى هند عبد الفتاح بتاعتنا؟؟
ولا تشابه اسماء
ايا كان اهلا وسهلا بيكى فى المدونه
وربنا يقدرنا على المقاطعه
___________
الاخ احمد الحسيني :
هو الحرام حرام على كل المسلمين
مفيش استثناءات
فى الموضوع ده بالذات ايه الاستثناء اللى ممكن يكون؟؟
ربنا يستر على شبابنا
وياريت الناس كلها تقاطع موبينيل ونركز على حاجه فعلا علشان يحس بالخسائر
جزاك الله خيرا..
_____________
الاخ اسلام :
ام نبيل وفوده:d
الحمدلله ان حضرتك فودافون وياريت تنشر الموضوع ومبروك على المدونه الرائعه
حبيبتى مونى
June 24, 2007 at 4:53 PMانا بقى الحمد لله بقاطع
ومعايا فودافون وشغال تمام
واصلا موبينيل شبكتها وحشه جدا
وكمان يعمل قناه بالشكل ده
حسبى الله ونعم الوكيل فيه
ومعلش يا جميل ربنا يسهل وخطك يتصلح عشان نكلمك
مبروك يا موني ع الخط الجديد
June 25, 2007 at 5:25 PMطيب اتصلي واديني الرقم:)
علي فكره انتي ليكي عندي تاج
افتحي المدونه هتلاقيه
وعايزه اجابات واضحه وصريحه
وحشتيني
سمسمتى :
June 26, 2007 at 10:20 AMربنا يبارك فيكى يا حبيبتى
بس ايه حكايه خطى يتصلح دى:D
قصدك المازنجر؟؟
وحشتينى اوى يا سمسم
___
جنه :
الله يبارك فيكى يا حبى
امبارح معلش اما كلمتك وجالى وايتنج معرفتش اقفله ولما اتصلت تانى ادانى مشغول وبعدين نزلت ورجعت متأخر
هروح اجيب التاج واجى
;)
جزاكي الله خيرا على أيجابيتك.. ربنا يكرمك
June 26, 2007 at 5:38 PMوأنا الحمد لله خطي فودافون ومع إن عمري ما غيرت خطي من خمس سنين إلى إني لو فودافون عملت كده هرمي خطي في أقرب فرن بوتاجاز..
جزاكي الله خيرااااااا
طول عمري مش بحب موبينيل:)
شروق الشمس
August 30, 2008 at 1:07 PMبارك الله فيك وجزاك الله خير
ومعذره على التأخير فى الرد
نورتى
الاستاذ المجهول صاحب الرد الذى لا اجد لفظ يصفه
August 30, 2008 at 1:10 PMرجاء لا ترد هنا مره اخرى
وتذكر قول الله
ما يلفظ من قول إلا لديه رقيب عتيد
هذا إن كنت تؤمن بالله ..
Post a Comment