سلام عليكم ورحمه الله وبركاته
قد يختلف معى البعض فى الرأى ولكن ليعلموا انى اُكن لهم كل الاحترام ولا اقصد ابدا السخريه منهم
عنوان فى منتدى استفزنى
" موت مذيعه على الهواء لإستهزائها بالرسول صلى الله عليه وسلم "
لماذا هذا التفسير!!
عظمه الله ظاهره وواضحه جدا بدون شىء من هذا القبيل
طب سؤال بسيط
لو مكانتش المذيعه استهزأت بالرسول صلى الله عليه وسلم كانت هتفضل خالده؟؟؟
بالطبع لا
قدرها ان تموت فى تلك اللحظه مهما كانت تفعل..ولم تمت لأستهزائها بالرسول صلى الله عليه وسلم
الله اعلم ان كانت فى النار ام فى الجنه
ولسنا من يحكم على الناس..
ايضا من يقولون ايضا ظهر اسم الله جل جلاله فى السحاب ..الله اكبر ليرى الغرب
اسم الله سبحانه وتعالى فى السماء ليس هو ما يُظهر قدرته ولكن قدره الله هى التى تظهر فى كل شىء
وايضا من يقولون " أقلب اسم كوكاكولا هتلاقيه لا محمد لا مكه "
عفوا فأنا غير مقتنعه
معروف سبب تسميه المشروب ب" كوكاكولا"
رغم انى شايفه ان اللى فكر فى الفكره دى وألف الموضوع ده على الشركه كان هدفه اقناع الناس بالمقاطعه
قد يختلف معى البعض فى الرأى ولكن ليعلموا انى اُكن لهم كل الاحترام ولا اقصد ابدا السخريه منهم
عنوان فى منتدى استفزنى
" موت مذيعه على الهواء لإستهزائها بالرسول صلى الله عليه وسلم "
لماذا هذا التفسير!!
عظمه الله ظاهره وواضحه جدا بدون شىء من هذا القبيل
طب سؤال بسيط
لو مكانتش المذيعه استهزأت بالرسول صلى الله عليه وسلم كانت هتفضل خالده؟؟؟
بالطبع لا
قدرها ان تموت فى تلك اللحظه مهما كانت تفعل..ولم تمت لأستهزائها بالرسول صلى الله عليه وسلم
الله اعلم ان كانت فى النار ام فى الجنه
ولسنا من يحكم على الناس..
ايضا من يقولون ايضا ظهر اسم الله جل جلاله فى السحاب ..الله اكبر ليرى الغرب
اسم الله سبحانه وتعالى فى السماء ليس هو ما يُظهر قدرته ولكن قدره الله هى التى تظهر فى كل شىء
وايضا من يقولون " أقلب اسم كوكاكولا هتلاقيه لا محمد لا مكه "
عفوا فأنا غير مقتنعه
معروف سبب تسميه المشروب ب" كوكاكولا"
رغم انى شايفه ان اللى فكر فى الفكره دى وألف الموضوع ده على الشركه كان هدفه اقناع الناس بالمقاطعه
بس مش بالطريقه دى يا جماعه!!
والكثير من الاشياء من هذا القبيل
عفوا لا اقتنع بتلك الاشياء أبدا- مع احترامى لمن يقتنع بها -
ولكن هل تروا إلى أين وصل حال المسلمين!!
تُرى ماذا يقول عنا اعداء الاسلام حين يروا تلك الافكار؟
فلندع تلك الافكار جانبا ونلتفت لحالنا
اعقلوا الامور قبل تصديقها ونشرها
احنا بنثبت فكره تخلف العرب المسلمين بالافكار دى لدى الغرب
ومش حكايه امام الغرب بس
عمرنا ما هنتطور بالتفكير ده
احنا متأخرين 300 سنه عن الدول المتقدمه يا جماعه
كده كل مدى الفجوة بتوسع
اعقلوها الله يكرمك
16 comments:
تحياتي
June 6, 2007 at 12:15 PMفعلا...عنك حق...المطلوب ليس إظهار قدرة الله في الكون...لانها ظاهرة و ملموسة للجميع...من الطفل الي الشيخ ومن المؤمن و الكافر...و التعلم و غير المتعلم...
لكن المطلوب منا هو إظهار ديننا الحقيقي...دين البساطة و المعايشة و السلام...
ان تعاليم ديننا سهلة و بسيطة و لصالح الفرد و المجتمع ...و علينا ان نظهرها للجميع...و ان نتحلي باخلاقها
و نتعامل بها....فالدين المعاملة.
تحياتي و شكرا علي البوست الرائع.
جزاك الله خيرا
June 6, 2007 at 10:56 PM:)
مونى اذيك
June 7, 2007 at 3:20 AMالبوست فعلا بيناقش قضية مهمة جدا
البعض بيراها كما عرضتيها
والكثير يراه بنظرة كلها ايمان بان ماهذا الا معجزة يجب تصديقها
مع العلم ان الله سبحانة وتعالى تجلى شانة
قدرتة اكبر من انها تظهر فى كلمة مرسومة على السحاب
او حتى مكتوبة على الشجرة
بالطبع عندما نرى مثل هذا لابد ان نسبح الله
لكن انا بتكلم ان فى ناس فعلا بتنسى نفسها
وبتتجة لزاوية اخرى للموضوع
وهو انها ممكن يوصل بينا الامر اننا نعبد الشجرة
او نشمت فى المذيعة الى ماتت على خطيئة
زى بالظبط الى بيحصل فى السيدة زينب والحسين وكل المساجد
ناس كتير ممكن تكون بتدعى اهل البيت
مش ربنا
لانهم وصلوا للمرحلة الى فيها قدرو فكر الصحابة والتابعين
عن قدرة ربنا
لا بد ان نعقلها
وندرك الحكمة من وراء كل هذة الاشياء
صحبتك ,
السلام عليكم و رحمة الله و بركاته
June 7, 2007 at 8:47 PMانا كمان غير مقتنع مطلقاً باللي بيتقال ده
مشكلتنا ان كتير فينا بيطلع الكلام او بمعني ادق الكدب و يصدقه
و فاكرين دي شطاره
ربنا يرحمنا يا رب
تحياتي
كلامك حكم يا امنية
June 8, 2007 at 9:59 PMانتى ماعرفتيش الخبر الجديد
June 9, 2007 at 5:46 AMالراجل اللى رسم الكاريكاتير
اتحرق ومات للمرة العاشرة
وكمان الراجل صاحب الجريدة مات يجى خمس مرات
كل موته والتانية اشنع من اللى قبلها
علشان يعرف الغرب ان الله حق
كلامك سليم
June 9, 2007 at 9:39 PMلكننا لا ننكر ان هذا من عند الله ومن قدرة الله سبحانه
فكل شئ هو بأمره ومشيئته
كلامك في الجوووووول يا قمر
June 9, 2007 at 10:59 PMيعني قمه الاستهزاء بعقولنا .. ان تجيلك علي الميل مثلا صورة يدعون أنها جثه شاب .. بعد ساعات من دفنه .. وان ده اثر ع>اب القبر .. علشان مكنش بيصلي
طب يا تري احنا كنا منتظرين البرهان ده علشان نتأكد من أن فيه ع>اب قبر ؟؟
الله أعلم بقا ...
و مثال اخر البنت الى رمت المصحف و تحولت لمخلوق غريب
June 10, 2007 at 3:58 PMو المشكلة ان الناس بتصدق او خلينا نقول ما بتصدق
و بتعمل فورورد و تجرى تنشره على المنتديات
سوسو :
June 10, 2007 at 9:55 PMواحشانى بجد والله
للاسف بعض الناس مش بتعقل الحاجه زى ما قولتى على موضوع السيده زينب والحسين
يا جماعه ماهو الحسين بشر زينا لا حول له ولا قوة الا بالله
ربنا يهدى بجد لازم توعيه للناس بالذات الطبقه اللى مازالت تستعين بالاولياء والعياذ بالله
_________
الاخ برويد :
ربنا يرحمنا فعلا
جزاك الله خير
_________
ارابيان جيرل :
نورتى المدونه:)
_________
الاخ اخوانى مخربش:
هم يبكى وهم يضحك والله
حالنا يحزن
_________
الاخ ذا مانجير :
ونعم بالله
جزاك الله خيرا
________
كليوباترا:
اللى بينشروا الصور مش هدفهم اثبات عذاب القبر دى حاجه لا خلاف فيها
انما هدفهم العظه
بس مش بالاسلوب ده؟؟
نورتى :)
_________
الاخ خطاب :
المشكله فعلا ان الناس مش بتعقل الحاجه قبل نشرها
ودى كارثه لأن فى ناس بتصدق الكلام ده
ربنا يهدى
السلام عليكم
June 11, 2007 at 4:03 PMالموضوع جميل جداً .. ووجهة نظرك طبعاً لازم اكن ليها كل الإحترام ..
بس انا من رأييى ان بالنسبة لكوكاكولا مثلا .. لية لاء فعلا ان اللى صمم الإسم كان قاصد ان يخليه بالشكل ده .. وبالذات ان كوكاكولا كانت ممكن تتكتب بطرق كثيره جداً وليه خدنا بالنا انها محمد وكمان مكه معقوله دى صدفة .. وحتى لو كانت كوكاكولا مش عامله كده .. هل احنا ما كناش قاطعناها!؟ ..
وبالنسبة لبقية الحجات فأنا مقتنع ان الإشاعات بتعمل شغل جامد .. وكأن ده بقة اسلوب من أساليب الدعوة ..
انا بطبيعتى مش سلبى .. بس فى الحجات دى بالذات ما باخدش موقف المؤيد ولا موقف المحتج ..
يعنى مش بعمل للحجات دى اعتبار ولا بتزيدنى ولا بتنقصنى
تحياتى لكِ
الفاضى يعمل قاضى...
June 11, 2007 at 10:14 PMو الله الناس دى يا فاضيه يا فاضيه يا الا فاضيه....
و احسن حاجه ان احنا نسيب الناس دى تتكلم براحتها خااالص...
و مانمنعهاش انها تقول رأيها....
بس احنا بقى يا ريت مانصدقهاش....
لان لو احنا صدقنا هنبقى سبنا ايه للجهله و الاميين و الناس اللى مابتعرفش تبصم...
انتى يا حجه امنيه غيرتى لينك مدونتى ليه....
June 11, 2007 at 10:17 PMيا ستى انا عايزه ارجع ليها مش عارفه...
معك 100%
June 12, 2007 at 5:30 PMالاسلام أوى من أن يحتاج لزلطة مكتوب عليها لا إله إلا الله لتقويه
و أقوى من بيضة مكتوب عليها محمد لتثبت نبوة النبي صلى الله عليه و سلم
ليس هذا هو ما يقوي الإسلام
و إنما التزامنا به و تمسكنا بشرع الله هو ما يعطي الإسلام قوته
و لو أننا تخاذلنا فان الله سيحافظ على قوة الاسلام باستبدالنا بقوم غيرنا
و عجائب الله في الكون شيئ رائع و يثبت المؤمن
و لا ضرورة لان نفتعل أشياء أو أن نتمحك في امور و نقول أنها لنصرة الاسلام
فهي حقيقة ستظهر تخلفا لا قوة و تقدم
جزاكم الله خيرا
الاخ ياسر:
June 13, 2007 at 7:05 AMالكولا دى الماده الداخله فى صناعه المشروب
بيبسى كولا - مكه كولا- وكوكا كولا
مش شايفه ان فيهاحاجه مقصوده
وزى ما حضرتك قلت ..لو مكانتش مقصوده مش هنقاطع..اكيد لا
:)
_______
مملت الصمت :
عندك حق
سيبنا ايه للناس الغير متعلمه!
خارج الموضوع : اثبتى على لينك بقى
:D
_________
الاخ علاء :
جزاك الله خير
:)
السلا م عليكم
July 19, 2009 at 11:03 PMأنا بصراحه مقتنع جدا
بكل كلمه إنتى قلتيها
وعلى فكره أنا كنت بفكر
فى هذا الموضوع
لأنه انتشر جدا ولا ينم إلا عن عقليه متخلفه ( عقلية من يدعون تلك الاشياء)ا
والاسلام لم يأمرنا بهذا أبدا وما كان رسولنا العظيم هكذا ولا صحبه الكرام
ولكن الله قال لنا ( اقرأ ) ولم يقل خمن أو اضحك على الناس بكلام غبى
فجزاك الله خيرا على هذه التدوينه
Post a Comment