سلام عليكم ورحمه الله وبركاته
كنت منزله بوست عن موضوع وبعدين قلت أأجلة وانزل حاجه خفيفة
فى منتدى واحده صاحبتى كتبت تخارف عن المذاكرة ..عامه انا مش بكتب شعر ولا زجل بالعامية بس حاولت اعبر عن معاااااانااااااااه التعليم فى مصر :
وانا برضو كمان محتاسه زيـــــك
اختارت تاريخ وانا مبســــــــــوطه
قالولى ده قشور ..ده كلام قوطة
احسنلك تدخلى فطـــــــــــفولة
قلتلهم لأ ده مفيش زيــــــــــــه
مفيد ولذيذ وانا مبسوطـــــــــة
وبعنّـــــــــدى دخلتـــــــــــــــــة
طلع كوســــــــــــــــــــــــــــــه
ده كتاب ودى ملزمه منحوســـة
وعملنا ابحاث وطلع عيــــــــــنا
فى مكاتب وكتب مهروســـــــة
ولغوا صفحات ملهاش عــــــوزة
قالولنا بلاها كفايه حوســــــــــــه
خدوا الملزمه وعليها بوســـــــــه
ذاكروها كويس..صمــــــــــــوها
ومبروك نجاحكم بالكوســـــــــــــة
___________
معانى الكلمات :D
فطفولة : كلية رياض الاطفال
15 comments:
هو فين موضوع منقووول؟
July 21, 2007 at 12:22 PM:D
July 21, 2007 at 5:12 PMبعد ده ان شاء الله
هو حضرتك لحقت تشوفه!!
هههههههههههههههههه
July 22, 2007 at 2:44 PMحلو اوى والله جميل
تحياتى
ايه يا مونى فكرتينى بقرف الكوسه فى مصر
July 23, 2007 at 1:12 AMيا بنتى الكوسه والهبل ده مش فى التعليم وبس
بكره تشويه لما تشتغلى على اصوله
ال تعليم ال
يا ستى قولى يا باسط تلاقيها هاصت
ابن الدكتور ياخد اجازه مرضى اسبو كامل من الاستقبال
اصل باباه دكتور رمد كبييييييييييييييييير
والاجازه سببها عينه مزغلله
يا حرام
والواحد يموت عشان ياخد يوم ميعرفش ويتحول تحقيق
يلا ما علينا
تبقى انت اكيد فى مصر
يا بنتى خلينى مكتومه افضل
ممكن :
July 23, 2007 at 2:33 AMجزاك الله خير على مرورك
______
اسماء الحبيبة :
انتى عارفه انتى عملتى ايه دلوقتى؟؟؟
اديتينى شحنه تفاؤل فظيييييعه
ربنا يطمن قلبك
بس انتى يعنى هتجيبى حاجه من عندك
هو ده الحال
بس دوام الحال من المحال
ياااااااارب اعيش لحد ما يتغير
نورتى ياحبيبتى
niceeeeeee
July 24, 2007 at 9:53 AMUnfortunately, education in Egypt has become very bad
ًEgypt will suffer in the future from the results of its educational system
July 24, 2007 at 1:41 PMجامد جداا يا امنيه .. بجد حلو اوى
July 24, 2007 at 10:39 PMانتى أجمل يا مؤة
July 24, 2007 at 11:01 PMمش ناوية تكتبى عن علم النفس
:D
إنتي سكرررر يا منمن
July 26, 2007 at 1:00 PMعندك حق والله في كل اللي قلتيه
ربنا يحفظك ياحبي
ويارب فعلا تحضري التغيير
ونحضره كلنا
ماهو لازم يكون فيه تغيير بإذن الله
دوام الحااال من المحاال
(.....)
إنتي عارفة هقولك إيه
:D
انتى اسكررر يا لوعلوعه
July 26, 2007 at 10:02 PM:D
يارب الواحد يلحق التغيير
او يكون على ايدينا!
قولى يارب
نورتى يا حبيبتى
بالنسبة اللى انا عارفه هتقوليه
ممكن استعين بصديق
:P
هههههههههههههه
August 4, 2007 at 9:59 PMطبعا ده حالنا فى مصر من اول الحضانه .....................للجامعه وربنا يستر علينا
ذاكر الملزمه وانت هتنجح
August 5, 2007 at 3:33 AMالكتاب مش هيخليك تفلح
دى كتب فيها رغى تمام التمام
مش مظبوط واى كلام
ولما تتخرج تعلق شهادتك
على الحيطه ويقولولك يابختك
وانت مش عارف حاجه ولافاهم
بتذاكر الملزمه وانت نايم
وحطيت فى الورقه الكلمتين
مكتوبين فى الملزمه ومش مفهومين
وتتخرج منها زى ما دخلتها
ولا تفتكر المواد اللى درستها
جميله يا منمن
عاشقة الفردوس:
August 5, 2007 at 11:37 AMواحده كانت بتقول ان نتيجه سنه اولى مش مقياس
رديت عليها قولتلها
ان التعليم فى مصر هو اللى مش مقياس
كتير معاهم شهادات جامعية والثقافه عندهم صفر او تحت الصفر كمان
لأن اسلوب التعليم بيعتمد اولا واخيرا على القدره على الحفظ
اهلا بيكى فى المدونه
:)
____
رضوى :
ايووووة
انا ببقى مذاكره الماده كويس جدا جدا وللله الحمد
وادخل الامتحان احل كويس
اطلع منه
تعاليلى بعد نص ساعه من الامتحان
مش هتلاقى كل المعلومات
مش بتطير كلها
لكن الاغلب بيطير
التعليم فى مصر عايز يتهد ويتبنى من تانى
نورتى يا بنتى
Post a Comment