السلام عليكم ورحمه الله وبركاته
يا ترى ايه احساسكم لو عملتوا سيرش على جوجل ولقيت موضوع كنت ناشرة مالى المنتديات !
ومش مكتوب انه منقول ولم يذكر المصدر
؟
______________
اتعرضت للموقف ده من كام يوم كنت بعمل سيرش فى جوجل ولقيت موضوعى بتاع " يا اصحاب العقول " كنت بتكلم فيه عن الخرافات المنتشره سبق ونشرت الموضوع قبل نشره فى المدونه فى منتدى حارة زعتر
فدخلت اشوف مكتوب منقول ولا لأ لقيت فى الاخر
" تحياتى "
لم يذكر انه منقول ونسبه لنفسه
ساعتها حسيت بشعورين
الاول انى اتضايقت انه نسبه لنفسه
!وفعلا دورت على كلمه تسجيل علشان اسجل فى المنتدى واقوله واحط موضوعى واقوله ان النقل يقتضى الامانه
لكن جالى وقتها شعور تانى
قلت انا عامله الموضوع ليه؟؟
عامله لله
بالعكس يسعدنى انه يتنقل
- طبعا المفروض ان يكون الناقل امين ويقول انه منقول مش لازم المصدر حتى
الغايه لا تبرر دوما الوسيلة -
- طبعا المفروض ان يكون الناقل امين ويقول انه منقول مش لازم المصدر حتى
الغايه لا تبرر دوما الوسيلة -
لكن قولت انا بقول وجهه نظرى فى حاجه لتصحيح فكره دخلت فى عقول الناس
يبقى انا عاملاه لله
اللى نقله ومقالش حسابه عند ربنا بقى
انا هتفرق معايا ايه بأسمى ولا بإسمه مادام الموضوع لله
اللى نقله ومقالش حسابه عند ربنا بقى
انا هتفرق معايا ايه بأسمى ولا بإسمه مادام الموضوع لله
فتراجعت عن الاشتراك فى المنتدى
وقلت اجدد النية
وقلت اجدد النية
لانى حتى وان اشتركت ووضحت الامر فالموضوع صعب انه يُحكم فى عالم النت
انتوا ايه رأيكم؟
بتبصوا للموضوع من اى زاوية؟
32 comments:
أيوة كدة :D
July 24, 2007 at 2:45 PM:D
July 24, 2007 at 2:55 PMمعلش بقى الموضوع كان احتفالا بنجاحى
فى انتظار رايك فى المنقووووول
السلام عليكم
July 24, 2007 at 3:14 PMعندما رأيت موضوعك الآن قمت بعمل سيرش لأحد مقالاتي ففوجت أنه منقول بحذافيره وموضوع في منتدي عمرو خالد بواسطة أحد الاخوات دون أي تنويه علي كاتب الموضوع رغم أنه منشور في مدونتي وفي أحد المنتديات التي أقوم بالإشراف علي القسم الديني بها .. والعجب أنها أخذت نفس الصورة الشخصية والتي اضعها في مدونتي وفي المنتدي كمان ووضعتها
لكني سادخل للمنتدي للرد فقط وتوضيح أن الموضوع منقول وليس لكي اعلم الناس انه موضوعي .. هذه هي نيتي
المفروض انك كنتي تدخلي المنتدي ده وتقولي انه موضوعك
July 24, 2007 at 3:26 PMحتي لو كان كلامك وصل للناس وعجبته ونشرته ده ميمنعش انه كلامك
ده حقك اللي لازم تحافظي عليه..وتعبك وخلاصة افكارك
يلا سلام
الاخ المهاجر الى الله :
July 24, 2007 at 4:02 PMوعليكم السلام ورحمه الله وبركاته
عادى جدا ان حضرتك تلاقى موضوعاتك مالية النت..وقليل هتلاقى حاطين المصدر ومع كتر النقل بيبضع المصدر اصلاً
بالنسبة لأنى ارد واوضح
فأنا كده مش خحلص
لأنى لو كل منقول هدخل ارد عليه هرد فى عشرات المنتديات!!!
انا شايفه الافضل انى اجدد النيه واقول كله فى سبيل الله
:)
أهلا وسهلا بحضرتك فى المدونة
الاخ احمد عيسى:
July 24, 2007 at 4:05 PMنفس الكلام اللى قولته للاخ المهاجر بخصوص الرد
هتعب نفسى على الفاضى وهحرق فى دمى!
ايه راى حضرتك فى تجديد النية؟
اهلا وسهلا بحضترك فى المدونه ايضاً
السلام عليكم
July 25, 2007 at 12:02 AMشرفتني زيارتك
وأسعدني تعليقك الذي لمس مرادي من التدوينة
جوووووون
================
كنت كاتب موضوع عن نفس المشكلة دي
اسمه هموم تدوينية
http://ctybrd.blogspot.com/2007/05/blog-post_1676.html
أقتطف منها
بالنسبة لي شخصيا لا يحزنني ذلك لأن هدفي هو وصول الفكرة التي أرمي إليها من التدوينة لأكبر عدد من البشر مهما كانت الوسيلة ومهما كان الحامل لها ومهما كانت الجهة التي نالت الفخر من وراء ذلك وأرى أنه بتحديد الأهداف النظرية من خلف كل مدونة أو السياسة التحريرية للمدونة وبعدها يكون تقييمك لأي خرق من هذا القبيل هو المحدد لرد الفعل
وعليكم السلام ورحمه الله وبركاته
July 25, 2007 at 12:16 AMأهلا بحضرتك فى المدونه
:)
حضرتك باصص للموضوع من نفس الزاوية الا ببص منها
زاويه انا ليه اصلا بكتب على النت؟؟
لو عرفنا جواب السؤال ده هنعرف هنبص للموضوع من اى زاوية
جزاك الله خير
هو موضوع النية ده موضوع مهم جداً
July 25, 2007 at 8:09 AMوهو الأصل في القصة أولاً وأخيراً
ولكن وجب لأمانة النقل ذكر المصدر
جزاكم الله خيراً
ممممم
July 25, 2007 at 11:22 AMرأيي..
شوفي أنا هاقول شوية نقاط كدة ممكن تساعدنا شوية في التفكير..
أولا موقفي من مبدأ كوتي بيست موقف سلبي تماما..أنا شخصيا لا أرحب في الغالب بأي نقل بهذا الأسلوب، لأني في النهاية أريد مناقشة ما نقل، فإذا قال أحدهم وجهة نظر، إما انه يكون أدها ويناقشها، أو يسكت!
ثانيا موضوع حظ النفس..هو موضوع متعلق بالنيات بالدرجة الأولى وموضوع صعب جدا..يعني ربنا يرزقنا الاخلاص لكن ليس مجرد الخفاء يضمن بعد الانسان عن أمراض النفس..
يعني مثلا ممكن ألاقي لي موضوع منقول هنا وهناك، أفكر انه موضوعاتي بتنقل لأني كاتب خطير ولأني كذا وكذا وكلام كبير بقى..
ده عجب، والعجب فعلا من أمراض القلوب اللي بيقع فيها الانسان حتى وهو مستخفي يعني..فموضوع الخفاء من العلنية مش مقياس حقيقي..
طيب ليه بانسب الكلام أو العمل لي من الأصل؟
هو ده فيه كلام كتير جدا ممكن يتقال..
أولها انه الأصل في الحياة، انه كل إنسان ينسب إليه قوله ويتحمل تبعاته ومسؤولياته، وبرضو إن كان قوله خيرا وجزاه الله عليه في الدنيا، حتى لو مجرد ثناء من أهل الخير (باعتبار انه ثناء أهل الشر ابتلاء)، فده مش إشكال ولا يقدح ان شاء الله في صحة عمله..
فكون اني أنسب الكلام لي، سواء باسمي الحقيقي أو شخصيتي الافتراضية عالنت ده الوضع الطبيعي واللازم، عشان يكون لكلامي نوع من المصداقية ويكون الكلام صادر عن فرد مسؤول عنه..وبرضو عشان كلام النهاردة وكلام بكرة وكلام بعد بكرة في النهاية يشكل شخصيتي ككل والصورة اللي ممكن أي شخص يجمعها عني بعد كدة من كلامي، المنسوب لي..
دي نقطة، وفي نقطة تانية اتكلم عنها محمد إلهامي في مدونته، أنا شايفها فكرة تستحق المناقشة يعني على أضعف الإيمان..
طبعا مع كل اللي فات فانا شايف انه الأصل ان ينسب القول لقائله، أنا لا أخفي ضيقي عندما ينقل موضوع لي ثم لا ينسب إلي لسبب، اني مش باقول الكلام عشان ابقى باكلم نفسي، دائما بانتظر من الناس تجاوب - تصحيح - تعقيب، وكل هذا لا يتوفر لي، أحرم منه بمعنى أصح عندما ينقل قولي كأنه مسلم به إلى آخرين، وكالعادة: جزاك الله خيرا..ومشكووووور عالنقل المتميز!..
:) لك جزيل الشكر :)
آسف على أن تعليقى خارج الموضوع ، وأرجو ان تغفر لى ذلك
July 25, 2007 at 1:00 PMولكن ما يعوض ذلك
ثقتنا الكاملة فى وطنيتكم وحرصكم على سلامة شباب الامة
ندعوكم للانضمام فى حملة افضح تجار الكيف
وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك
http://elbawaba.blogspot.com/
والتفاصيل والبانارات على هذا الرابط
وجزاكم الله كل خير
طبعا الفضل في وجودي هنا يرجع للمهندس يحيى عياش :)
July 25, 2007 at 1:15 PMبالإضافة إلى ما قاله عياش :
فإنه من الواجب أن نمنع المتسلقين على أكتاف الغير من الوصول بمجهود غيرهم .. وهذا ما يفعله الناقل دون أن يذكر المصدر .
قد كنت أوافق على كلام الأخت صاحبة المدونة لو أني أضمن أن نية ذلك الناقل هو نشر الخير فقط لا لشئ آخر .. لكنني أعرف أن هناك من ينسب الأعمال إلى نفسه ويصعد على أكتاف غيره .
بالمناسبة : هذا ليس بالموضوع البسيط ، لو نتذكر مثلا فإن كل الثورات العربية قادتها الحركات الإسلامية ثم لظروف عديدة في الصلب منها سذاجة وورع واستخفاء الحركة الإسلامية تمت سرقة هذه الثورات وحكمنا بعدها العسكر والشيوعيين وعملاء الاحتلال مرة أخرى .
انظروا مثلا إلى فلسطين : دماء الانتفاضة الأولى هي من صنعت سلطة عرفات دون أن يكون له فيها فضل .. ثم قامت سلطته بما لم تقم به إسرائيل في سحق المقاومة .
والانتفاضة الثانية حررت غزة ، وقد كان ينوي عباس ودحلان أن تكون لهما خالصة من دون المجاهدين أصحاب الفضل والدم لولا أن حماس اكتسبت من الوعي ما جعلها لا تسمح بتكرار التجربة .
يجب أن نحارب المتسلق على أكتاف الغير .
* صحيح أن الملاحقة صعبة جدا على الانترنت ، ولكن على قدر الاستطاعة .
أنا شخصيا رصدت أكثر من موضوع لي قد سرقوا ونشروا بدون المصدر .. وما استطعت حتى التنبيه لأنه نشر على هيئة مقال في موقع وليس نقل شخص في منتدى .. ولم يكن من إمكانية للرد أو التعقيب أو التنبيه أو حتى الشكوى
يكفيكي الحصول على الاجر ان شاء الله
July 25, 2007 at 2:28 PMومدونتك جميلة وربنا ينفع بيكي
الأخ عياش :
July 25, 2007 at 9:32 PMبالنسبة للمنقول...ماشى الواحد ينقل خبر ويذكر المصدر علشان نقاش
وماشى الواحد ينقل موضوع ممكن يكون سبب فى هدايه ناس نظرا لأسلوبه ويذكر المصدر
واحد ينقل برنامج مفيهاش حاجه ,,لكن الغريب ان الاقى واحد ناقل قصه!!
وناقل شعر وناقل موضوع نقاش عادى
فى ناس لما بتحب تبان بشكل معين واصلا هو مجرد ناقل غير امين
انا عن نفسى لو عرفت ان الموضوع منقول مش ببقى حابه افتحه اصلا لأنى أحب اقرأ ابداع الكاتب ونتحاور لكن هتحاور مع وحد ناقل الموضوع كوبى باست!!
زى ما حضترك قولت
"إذا قال أحدهم وجهة نظر، إما انه يكون أدها ويناقشها، أو يسكت!؟"
صعب نقضى على ظاهره المنقول
لو عملت سيرش عن اسم موضوع هتلاقى عشرات الصفحات
لذلك انا بسأل
هل لو لقيت موضوع لك منقول هتسجل وتعلن انه بتاعك بدليل انى ناشره فى كذا بتاريخ كذا وفى الحالة دى مش هتخلص لان هيكون عليك التسجيل فى عشرات المنتديات
ولا هتقول اجدد النية !
اما عن تكوين فكره عن شخصية الكاتب فكل واحد بيختار مكان وبيثبت فيه شخصيته
انما الناقل ده لو الناس كونت فكره ففى الغالب لو تحول للقاء فى الواقع بيبان ان كان هو اللى بيكتب ام ان ده ليس كلامه
واصلا الناس المفروض هتكتشف شخصيته نتيجه للحوار والنقاش فى الموضوع
شخصيا بتضايق من انتشار عدم الامانة عند نقل الموضوع لكن مش هكون متضايقه ان كان منقول مع ذكر المصدر
اللهم ارزقنا الاخلاص فى القول والعمل
لى عوده ان شاء الله لإسكتمال باقى الردود
:)
الأخ منذر :
July 26, 2007 at 9:35 AMجزاك الله خير ان شاء الله أمر على اللينك
________
الأخ محمد الهامى:
لا تعليق على نقل موضوعك فى صورة مقال!!!
هى بتوصل للدرجه دى كمان
الملاحقة صعبه جدا جدا ومرهقه للاعصاب
مش هتفرق معايا نية اللى نقل انا أجدد النية لله وخلاص
هو ربنا ادرى بنيته وهيجازيه عليها
لكن ارهاق للاعصاب فعلا انى الاحق وأثبت حقى فى ان ينسب الموضوع لصاحبة
مممم
يمكن هو تفكير سلبى
بس اصل الموضوع مالوش آخر!
وكل مدى الدايرة هتوسع مش هتصغر
المشكله فى انعدام الأمانه عند الكثير
الموضوع لازم يتحل من جذورة
ولتكن حمله مثلا!!
ربنا يهدى
جزاك الله خير يا اخ الهامى
واهلا بحضرتك فى المدونه
:)
أخ عبد الرحمن:
July 26, 2007 at 9:36 AMانا بجدد النية لما الاقى موضوع منقول فعلا
ان الله لا يضيع اجر من احسن عملا
جزاك الله خير
عادى يا مونى ...كويس انك كبرتى
July 27, 2007 at 3:48 AMمرة كنت كاتبه خاطره .. تخص طفلتى اثناء مرضها
ووجدت آنسه تنسبها لنفسها ووقعت الخاطره فى يد صديقه لى ز.. وفى الآخر قالت لصديقتى هى فى سرقه على النت ... اللى عاوزة حاجه ياخدها
مونى...اللى ياخد ياخد
انا بقى عاوزة الثواب من ربنا
برافو عليك انك وصلت للمعنى الحقيقيى انا ابتغى الله
كلمة عاجبتنى قوى
والله وراء القصد
انا عن نفسي مزعلش ان التوبيك بتاعي يتنقل لسبب بسيط جدا ان ده بيثبت لى ان موضوعي ناجح ثانكس يا عسل على التوبيك البلوج بتاعك جميل ماشاء الله انا اول مرة ادخل وعجبني قوي
July 27, 2007 at 7:39 PMام البنات:
July 27, 2007 at 8:18 PMالواحد عايز ايه اكتر من ثواب عند ربنا
:)
اللى ياخد ياخد فعلا
نورتى يا حبيبتى
الأخ ذا ريدل:
July 28, 2007 at 3:14 AMشكرا
بعد كل التعليقات دى
July 28, 2007 at 8:38 PMمفي حاجة أقوله
بس أنا مع عياش
جزاك الله خير على مرورك
July 29, 2007 at 12:23 PMبصي يا أمنية
July 30, 2007 at 7:35 PMممكن أقترح عليكي اقتراح
وأنا فعلا عملته قبل كده
اما موضوع من مواضيعي اتنقل بالحرف
ادخلى على المنتدى المقصود
وبدون اظهار انك صاحبة الموضوع الاصلية
ناقشي صاحب الموضوع في ما سرقه منك
واغلبيه بالحجة والدليل
حتى لا يستطيع الرد
وفي النهاية ستجديه يعترف بأنه نقل الموضوع لذلك لم يستبين كافة ما فيه من نقاط
ومن ثم فاجئيه بكونك صاحبة الموضوع الأصلية
وخلى فضيحته بجلاجل
مممممم
July 31, 2007 at 7:11 AMشايفه انى اجدد النية لله وفقط
جزاك الله خير
ما شاء الله .. اتخذت نيه كويسه جدا .. ربنا يكرم
August 1, 2007 at 3:11 PMالسلام عليكم
August 2, 2007 at 2:19 AMانا عن نفسي شايفة انك علي حق لان لو افترضنا انك دخلتي في نقاش مع الشخص ده ممكن فعلا حاجات جواكي تتغير لاننا بشر يرفض الانهزام و تصبح القضية بعد كده مين اخد من كلامي و نقله علي لسانه مش مين اللي استفاد من كلامي و تأثر بيه
استمري في صدقك مع نواياكي و ربنا حيجيبلك حقك علي ملأ اكبر من اللي علي المنتدي
و جزاكي الله خيرا
كليوباترا:
August 3, 2007 at 8:23 AMاللهم ارزقنا الاخلاص فى القول والعمل
نورتى يا جميل:)
___
فيوتشر:
فعلا والله
ان الله لا يضيع اجر من احسن عملا
نورتى المدونة
:)
هتضايق جدا طبعا
August 5, 2007 at 3:24 AMلو واخد الموضوع كوبى بيست
موقف سلبى جدا جدا
لو اللى نقله شايف ان الموضوع مهم ويستحق النقل
الافضل انه يقال ان النقل من كذا ويوضع رابط الموضوع
امنية الغالية
September 1, 2007 at 12:38 AMحقيقة اتعرضت للموقف لسه من كام يوم...
أنا ما اتضايقتش لأنه موضوعى...بس اللى ضايقنى انه كتب أسمه تحت الموضوع
دخلت ورديت ان حضرتك نسيت تكتب منقول لكن جزاك الله خيرا لنشر الخير...
بس رديت لأنى مسجلة فى نفس المنتدى....
وعلشان انبه لأنه مينسبش شئ لنفسه
شفت موضوعات ليا منقوله قبل كده
فى منتديات مش مشاركة فيها
منهم اللى بيكتب منقول ومنهم اللى مش بيكتب
بس ولا رديت ولا اتضايقت....
وذكرت نفسى بنيتى وانا بكتب الموضوع...
عادى لو حد شاف موضوع مفيد ونقله وكتب تحته منقول
بس اللى بيضايق تحياتى
أو يكتب اسمه...
غفر الله لنا وللجميع...
ورزقنا اخلاص القول والعمل ...وكل حرف لوجهه الكريم
جزاكى الله خيرا يا مونى
العيد فرحة
October 15, 2007 at 3:04 AMيا سلام
واجمل فرحة
يا سلام
تجمع شمل بعيد وقريب
سعدنا بيها
سعدنا بيها
بيخليها
بيخليها
ذكري جميلة لبعد العيد
غنو معايا غنو
غنو
وقولوا ورايا قولوا
قولوا
كتر يا رب في اعيادنا
واطرح فيها البركة وزيد
جانا العيد اهو جانا العيد
جانا العيد اهو جانا العيد
.........................
من مأثورات صفاء ابو السعود
قبل الزواج من الشيخ صالح كامل
اللي خلي كل ايامها عييييييييييد
وعجبي
ـــــــــــــــــــــــــــــــــ
كل عام وانتم بخير
السلام عليكم ورحمة الله وبركاته
October 25, 2007 at 4:00 PMتدوينة قصيرة لكنها حملت من المعنى الكثير والكثير .. فشكراًجزيلاً عليها
أتفق معك في كلامك الذي ذكرتيه في تدوينتك .. وأحب فقط أن أضيف شيئاً آخر
شئ طريف وحدث معي فعلاً في أحد قصصي المنتشرة على الإنترنت
في بعض الأحيان يكون الناقل متحكم في المكان المنقول إليه (يعني مدونة .. أو موقع شخصي مثلاً) .. حينها قد يلجأ إلى استخدام امكاناته في حذف تعليقك الذي ينبه على أن العمل / الموضوع منقول فقط وليس جهداً لصاحب المدونة / الموقع
وهذا حدث معي فعلاً (: .. وهذا أيضاً يثبت أن الرد على المنقول لا يفيد دائماً ؛ حتى وإن رددت
ملاحظة أخيرة
يفضل لدى جميع المتعاملين في الإنترنت أن يبحثوا عن وسيلة لحماية انتاجاتهم الفكرية .. لأنه مع الانتشار والنقل تكون احتمالات السرقات أكبر وأكبر
أتأسف على الإطالة
تحياتي
- أبو عبد الله - عمر محمود هاني
Post a Comment