بدون تعليق..

سلام عليكم ورحمه الله وبركاته
واحده بتكلمنى وبتحكيلى
.
.
:انهارده أكلت اكله فاجررررره
.
اول ما سمعت الكلمه قولت اكيد فى حاجه غلط سمعته
ا
سألتها :كلتى اكله ايه ؟؟
.
.
فاجرة
.
.
قولتلها يعنى ايه ؟؟جامده يعنى؟
.
.
قالتلى ايووووة
.
.
يا نهار ابيض
انا كنت معتزله الدنيا ولا ايه
ده طلع امتى المصطلح ده!!
على ايامى كنا نقول اكله جامده..فظيعه..
لكن فاجره!!!!!
قولت خير
يمكن حاله وهتعدى
.
.
فوجئت قريبى بيتكلم عن اخته قالت حاجه تضحك
.
.
البنت دى كافره
هاهاهاها
.
.
اتصدممممممت
كافره
.
مقدرتش اسكت
قولتله يعنى خلاص مفيش كلمه توصفها بيها غير دى
.
.
قالى ليه مالها
.
.
قولتله ابدا اصل
من رمى رجلاً بالكفر، أو قال‏:‏ ياعدو الله وليس كذلك، إلا رجع عليه‏"
‏‏‏.
!!!
.
.
قالى بس انا مش نيتى كده
.
.
« إنَّ العبدَ ليتكلمُ بالكلمة من رِضوانِ اللهِ لا يُلقي لها بالاً يرفَعُه اللهُ بها درجات، وإن العبدَ ليتكلمَ بالكلمة من سَخَط اللّه لا يُلقي لها بالاً يهوي بها في جهنم » .
انت بتتكلم ازاى؟؟
******
.
ايه اللى جرى!!
ليه وصل بينا الحال لكده
كافره وفاجره
هنوصل لإيه تانى؟؟؟

15 comments:

Alaa said...

بجد انتي اتكلمتي عن نقطة مهمة جدا
كتير اليومين دول بيغلطوا الغلطة دي
بيتكلموا الكلمة ميعرفوش انها ممكن ترميهم في جهنم

للاسف سوء فهم نتيجة التغييب الاعلامي للدين
و الدعوة
ربنا يهدينا جميعا

تحياتي

July 10, 2007 at 5:22 AM  
امنية said...

جزاك الله خيرا
ربنا يهدينا ويهديهم
:)

July 10, 2007 at 10:05 PM  

ربنا يكرمك يا امنيه على البوست الجميل ده

ربنا يكرمك .. ويجزيكى خير

July 10, 2007 at 10:46 PM  
جنـه said...

للاسف يا امنيه
زي ما انتي وضحتي هو مش فاهم ولا هي فاهمه

معني الكلام اللي بيتقال

وصدقيني اكيد لو فهموا
هيفكروا الف مره قبل ما ينطقوا باي كلمه

ولو طلعت بدون قصد هيحسوا بالذنب وهيندموا

لكن ماحدش فاهم

والمفروض نسال دول مش فاهمين ليه

هل من قله الدعاه ودروس الدين
مش معقول لان اعتقد اكتر عصر بيشهد اكبر كم من الدعاه ووجودهم في وسائل الاعلام المختلفه هو العصر ده

اعتقد الغلط انه مفيش توجيه
مفيش قدوه تنبهوا للطريق الصح

كل واحد مهتم باللي يخصه وفقط

جزاك الله خيرا يا موني

وعلي فكره من احلام روان القاهره نبقي فيها الناس اللي توجه

قولي يارب

:)

July 11, 2007 at 3:51 PM  
امنية said...

ويكرمك يا اسماء
:)

________

جنه:

فعلا يا جنه
المشكله انهم بيرددوا الكلام بلا تفكير
رغم انهم لو توقفوا لحظه وفكروا هيبطلوها للابد
المشكله فى نقص الوعى الدينى لدى الشباب
الموضوع مش فكره عدد الدعاه قد ايه
المشكله قد ايه بيسمع !!

نورتى المدونه

July 11, 2007 at 4:22 PM  

إن الناس تتفحش في الكلام ... فده شيء بيحصل في كل عصر
لكن إن الواحد يلتمس لنفسه العذر بإن نيته مش وحشة ..!!!
فدي إللي غريبة فعلا
والكل بيردد حديث واحد : إنما الأعمال بالنيات
معنى كده بقى إن البنت تروح تصاحب ولد وهي نيتها إنها تهديه إلى الله !!!

استخدام ألفاظ زي فاجرة وكافرة هو التطور الطبيعي للسب بالأم والأب والخوض في أعراض الناس

مجرد كلمات لا يلقي لها القائل بالا

نسأل الله العفو والعافية
اللهم آمين

July 12, 2007 at 8:18 PM  
asmaa said...

اقولك اي هبس يا مونى
ده بقى فى كلمات تفور الدم والله
مصطلحات غريبه بسمعها وكانى عايشه فى كوكب اخر

وفعلا هما مش حاسين انهم بيعملوا حاجه غلط ولا حاجه غريبه

وهى دى المشكله اكبيره بجد
انك متكنش حاسس ان فى مشكله اصلا
او ان تصرفاتك وكلامك عيب او حرام

مش عارفه هيتدهور الحال بينا ونوصل لايه تانى

ربنا يستر

July 13, 2007 at 12:46 AM  
Anonymous said...

يا بنتى الناس جالها هبل ....


خلاص العربى مابقاش عاجبهم,قالوا علشان يرضوا المجتمع قالوا هنتكلم عربى بس هنهبل بالكلام.......


و دى نتيجه الهبل....

و حتى لو هما اقتنعوا ان الكلام ده غلط هيلاقوا مجتمع مدرستهم بيقولها هيحسوا انها عادى لو سمعوا حد بيقولها....

ربنا يعافينا و يهدينا...

July 14, 2007 at 2:35 AM  
امنية said...

نسأل الله العفو والعافية
اللهم اهدى شباب وبنات المسلمين

طعمه..سمسم..سمية
جزاكم الله خير
:)

July 14, 2007 at 6:32 PM  

اااه الكلمات دى زادت اوى فعلا

July 15, 2007 at 12:03 AM  
امنية said...

ربنا يستر

معلش على النقط اللى بين الكلام لأنى مش عارفه ابعد الكلام عن بعض كل ما اعمل مسافات الكلام يتلزق تانى
:D

July 15, 2007 at 3:23 AM  

بوست جميل قوى

ربنا يجعلة فى ميزان حسناتك

وانا كنت اتكلمت على موضوع الكمة الواحده ده فى أول بوست ليا خالص

فى افتتاح المدونة

فى نفس المعنى ده

July 19, 2007 at 3:24 PM  
امنية said...

جزاك الله خير
فى ميزان حسناتك
ياريت فعلا حمله توعيه لكل الشباب عن الكلام ده لان الاغلب بيرددوها بدون تفكير لكن لو تم لفت انتباههم بإذن الله يبطلوها :)

July 19, 2007 at 10:54 PM  
radwa said...

يابنتى كنت سمعت فى التلفزين مره انه فى واحد الف كتابين عن النمصطلحات دى ومعانيها
كتاب جمع فيه المصطلحات بمعانيها فى خلال ستة اشهر
والتانى جمعه خلال سنة ونصف
تخيلى سنه ونصف بيجمع فى مصطلحات غريبه
تخيلى عددها قد ايه ؟؟؟
والاغرب معانيها

August 5, 2007 at 3:36 AM  
امنية said...

سنة ونص!!!
ايه الفضا ده
ربنا يهدى

نورتى يا بنتى
وباللغه الجديده
انتى هتبقى براشوت هنا
:P
لا بجد
نورتى
:)

August 5, 2007 at 12:03 PM