سلام عليكم ورحمه الله وبركاته
وصلنا منى مجهدين من طول مده الطريق بالاضافه للسير تحت شمس السعوديه الحارّه حاميلين امتعتنا
وصلنا منى مجهدين من طول مده الطريق بالاضافه للسير تحت شمس السعوديه الحارّه حاميلين امتعتنا
ولكننا لم نجد مكانا لنا فى الخيام!
توجه ابى بحثا عن مسئول المخيم واذا بالمفاجأه
المسئول عن تنظيم الرحله يحج معنا!!
مرتديا لبس الاحرام بيننا ,, لا يشغل باله اصلا بالحجاج
اخبره والدى بالوضع فأمرنا بالسير وراءه ليدلنا على مكاننا
وكان بصحبته احد معارفه
وصلنا لخيمه فأدخل فيها معارفه واغلقها!!
طب واحنا يا استاذ؟؟
رد ببرود شديد " دوروا فى الخيام هتلاقوا اماكن فاضيه"
مشينا وسط الخيام نفتح كل خيمه ونلقى نظره
وكل الخيام لا مكان فيها لوضع قدم
لكن الحمد لله ربنا يسر واستطعنا ان نجد مكان فى خيمه
سجاده 2 * 3 متر ونحن خمسة بأمتعتنا
لا بأس.. الحمد لله على كل شىء
توجهنا لرمى الجما ر وبصراحه اشكر كل القائمين على تنظيم الحج فى السعودية
المناسك ميسره جدا وتنظيم راااائع جدا لدخول وخروج الحجاج عند رمى الجمرات
وعدنا للبيات فى الخيام
وتحدثت مع احد النساء فى الخيم ومعها ابنائها واختها
والمفاجأه انها اصلا من سكان السعودية وليست من حجاج القرعه
لا يضايقنى وجودها بيننا
ولكن يضايقنى ان هناك من حجاج القرعه من لا يجد مكان للمبيت داخل الخيام وهم الأحق
فأضطروا للمبيت فى الطرقات بين الخيام
نعم .. ما رأيتم والله صحيحالقمامه تملا المكان ولم ار عامل نظافه الا فى اخر ايام منى عند رحيلنا !!!
كان الحجاج المسنين رجال ونساء يفترشون الارض فى تلك الطرقه الضيقه
طبعا المسئولين بيحجوا وبيعاملوا نفسهم على انهم حجاج وليسوا مسئولين عن ارواح ناس!!
ومفيش اى اداره ولا فى اى حد مر على الخيم يتأكد من وصول الجميع وعدم وجود دخلاء
عادى جدا!!
مع انتهاء رمى الجمرات كان على الرجال حلق رؤوسهم
طبعا مع كميات الشعر المهولة فى الحمامات .. المجارى ضربت!
وتسربت المياه فى الطرقات التى يفترش الناس فيها!!
ولكن لا ملجأ لهم من المجارى والقمامة غير انهم فرشوا كراتين وحاولوا يبتعدوا عن المياه!!!
اى انسانيه هذه؟؟؟؟
للتوضيح اكتر.. على الشمال ده مدخل الخيمه
كان علينا العبور من فوق القمامه
ويبدو ان المسئولين بيوفروا اجر عمال النظافه
او عمال النظافه متكاسلين وطبعا مع عدم وجود اداره كانت بيئه مناسبه جدا للحصول على الصورة دى ..
ولإلا يقول البعض ان الوضع هو نفسه فى كافه المخيمات
الصورة تتكلم عن نفسها
يتبع ان شاء الله..
لكن عايزه اقول حاجه
بالرغم من كل السلبيات الموجوده ف البعثه الا ان ولله الحمد ده لم يؤثر على كل روحانيات الناس..بمجرد دخولك المسجد الحرام
او خيمتك تنسى كل تلك السلبيات بفضل الله سبحانه وتعالى وتتفرغ للعبادة
ولكن كل ما فى الامر هو ..البعثة
واعتقد هناك تنظيمات اخرى وبعثات اخرى اكثر حرصا على الحجاج
العيب ليس فى الزحام ولا فى المناسك ولا فى فى شىء سوى ..هذه البعثه
بعثة الداخلية المصرية لحجاج القرعة
..
5 comments:
لا حول ولا قوة الا بالله
January 17, 2008 at 8:50 PMلا تعليق
مافيش حاجة تتقال غير ان لنا الله
بس برده تفائلي انتي في مصر :)
ونعم بالله ..
January 19, 2008 at 6:24 PMمصر ورانا ورانا
مش عارف أقول لحضرتك إيه ؟
January 21, 2008 at 12:07 PMربنا يجازى ف الحج على قدر المشقة
يعنى المصرييين لو شافوا المشقة اللى حضرتك بتقولى عليها
يبقى داخلين الجنة داخلين من غير كلام
:::(
سلام عليكم
January 21, 2008 at 2:02 PMهى المشكله فى ححجاج كتير فقدوا اعصابهم
ووصل احيانا للضرب والله
ربنا يعافينا
سلاح ذو حدين
اما تصبر وثوابك يبقى اكتر
واما...
الحمدلله الذى عافانا مما ابتلى به غيرنا..
الحمدلله
كبرت..كبرت:
February 21, 2008 at 12:35 PMhttp://digressing.blogspot.com/2008/02/blog-post_20.html
http://www.almesryoon.com/ShowDetails.asp?NewID=44823&Page=6
هيييييييييييه :D
Post a Comment