سلام عليكم ورحمه الله وبركاته
واحده بتكلمنى وبتحكيلى
.
.
:انهارده أكلت اكله فاجررررره
.
اول ما سمعت الكلمه قولت اكيد فى حاجه غلط سمعته
ا
سألتها :كلتى اكله ايه ؟؟
.
.
فاجرة
.
.
قولتلها يعنى ايه ؟؟جامده يعنى؟
.
.
قالتلى ايووووة
.
.
يا نهار ابيض
انا كنت معتزله الدنيا ولا ايه
ده طلع امتى المصطلح ده!!
على ايامى كنا نقول اكله جامده..فظيعه..
لكن فاجره!!!!!
قولت خير
يمكن حاله وهتعدى
.
.
فوجئت قريبى بيتكلم عن اخته قالت حاجه تضحك
.
.
البنت دى كافره
هاهاهاها
.
.
اتصدممممممت
كافره
.
مقدرتش اسكت
قولتله يعنى خلاص مفيش كلمه توصفها بيها غير دى
.
.
قالى ليه مالها
.
.
قولتله ابدا اصل
من رمى رجلاً بالكفر، أو قال: ياعدو الله وليس كذلك، إلا رجع عليه"
.
!!!
.
.
قالى بس انا مش نيتى كده
.
.
« إنَّ العبدَ ليتكلمُ بالكلمة من رِضوانِ اللهِ لا يُلقي لها بالاً يرفَعُه اللهُ بها درجات، وإن العبدَ ليتكلمَ بالكلمة من سَخَط اللّه لا يُلقي لها بالاً يهوي بها في جهنم » .
انت بتتكلم ازاى؟؟
******
.
ايه اللى جرى!!
ليه وصل بينا الحال لكده
كافره وفاجره
هنوصل لإيه تانى؟؟؟
15 comments:
بجد انتي اتكلمتي عن نقطة مهمة جدا
July 10, 2007 at 5:22 AMكتير اليومين دول بيغلطوا الغلطة دي
بيتكلموا الكلمة ميعرفوش انها ممكن ترميهم في جهنم
للاسف سوء فهم نتيجة التغييب الاعلامي للدين
و الدعوة
ربنا يهدينا جميعا
تحياتي
جزاك الله خيرا
July 10, 2007 at 10:05 PMربنا يهدينا ويهديهم
:)
ربنا يكرمك يا امنيه على البوست الجميل ده
July 10, 2007 at 10:46 PMربنا يكرمك .. ويجزيكى خير
للاسف يا امنيه
July 11, 2007 at 3:51 PMزي ما انتي وضحتي هو مش فاهم ولا هي فاهمه
معني الكلام اللي بيتقال
وصدقيني اكيد لو فهموا
هيفكروا الف مره قبل ما ينطقوا باي كلمه
ولو طلعت بدون قصد هيحسوا بالذنب وهيندموا
لكن ماحدش فاهم
والمفروض نسال دول مش فاهمين ليه
هل من قله الدعاه ودروس الدين
مش معقول لان اعتقد اكتر عصر بيشهد اكبر كم من الدعاه ووجودهم في وسائل الاعلام المختلفه هو العصر ده
اعتقد الغلط انه مفيش توجيه
مفيش قدوه تنبهوا للطريق الصح
كل واحد مهتم باللي يخصه وفقط
جزاك الله خيرا يا موني
وعلي فكره من احلام روان القاهره نبقي فيها الناس اللي توجه
قولي يارب
:)
ويكرمك يا اسماء
July 11, 2007 at 4:22 PM:)
________
جنه:
فعلا يا جنه
المشكله انهم بيرددوا الكلام بلا تفكير
رغم انهم لو توقفوا لحظه وفكروا هيبطلوها للابد
المشكله فى نقص الوعى الدينى لدى الشباب
الموضوع مش فكره عدد الدعاه قد ايه
المشكله قد ايه بيسمع !!
نورتى المدونه
إن الناس تتفحش في الكلام ... فده شيء بيحصل في كل عصر
July 12, 2007 at 8:18 PMلكن إن الواحد يلتمس لنفسه العذر بإن نيته مش وحشة ..!!!
فدي إللي غريبة فعلا
والكل بيردد حديث واحد : إنما الأعمال بالنيات
معنى كده بقى إن البنت تروح تصاحب ولد وهي نيتها إنها تهديه إلى الله !!!
استخدام ألفاظ زي فاجرة وكافرة هو التطور الطبيعي للسب بالأم والأب والخوض في أعراض الناس
مجرد كلمات لا يلقي لها القائل بالا
نسأل الله العفو والعافية
اللهم آمين
اقولك اي هبس يا مونى
July 13, 2007 at 12:46 AMده بقى فى كلمات تفور الدم والله
مصطلحات غريبه بسمعها وكانى عايشه فى كوكب اخر
وفعلا هما مش حاسين انهم بيعملوا حاجه غلط ولا حاجه غريبه
وهى دى المشكله اكبيره بجد
انك متكنش حاسس ان فى مشكله اصلا
او ان تصرفاتك وكلامك عيب او حرام
مش عارفه هيتدهور الحال بينا ونوصل لايه تانى
ربنا يستر
يا بنتى الناس جالها هبل ....
July 14, 2007 at 2:35 AMخلاص العربى مابقاش عاجبهم,قالوا علشان يرضوا المجتمع قالوا هنتكلم عربى بس هنهبل بالكلام.......
و دى نتيجه الهبل....
و حتى لو هما اقتنعوا ان الكلام ده غلط هيلاقوا مجتمع مدرستهم بيقولها هيحسوا انها عادى لو سمعوا حد بيقولها....
ربنا يعافينا و يهدينا...
نسأل الله العفو والعافية
July 14, 2007 at 6:32 PMاللهم اهدى شباب وبنات المسلمين
طعمه..سمسم..سمية
جزاكم الله خير
:)
اااه الكلمات دى زادت اوى فعلا
July 15, 2007 at 12:03 AMربنا يستر
July 15, 2007 at 3:23 AMمعلش على النقط اللى بين الكلام لأنى مش عارفه ابعد الكلام عن بعض كل ما اعمل مسافات الكلام يتلزق تانى
:D
بوست جميل قوى
July 19, 2007 at 3:24 PMربنا يجعلة فى ميزان حسناتك
وانا كنت اتكلمت على موضوع الكمة الواحده ده فى أول بوست ليا خالص
فى افتتاح المدونة
فى نفس المعنى ده
جزاك الله خير
July 19, 2007 at 10:54 PMفى ميزان حسناتك
ياريت فعلا حمله توعيه لكل الشباب عن الكلام ده لان الاغلب بيرددوها بدون تفكير لكن لو تم لفت انتباههم بإذن الله يبطلوها :)
يابنتى كنت سمعت فى التلفزين مره انه فى واحد الف كتابين عن النمصطلحات دى ومعانيها
August 5, 2007 at 3:36 AMكتاب جمع فيه المصطلحات بمعانيها فى خلال ستة اشهر
والتانى جمعه خلال سنة ونصف
تخيلى سنه ونصف بيجمع فى مصطلحات غريبه
تخيلى عددها قد ايه ؟؟؟
والاغرب معانيها
سنة ونص!!!
August 5, 2007 at 12:03 PMايه الفضا ده
ربنا يهدى
نورتى يا بنتى
وباللغه الجديده
انتى هتبقى براشوت هنا
:P
لا بجد
نورتى
:)
Post a Comment